Sport

Pavarësisht humbjes nga Llapi, Arbnor Morina ka fjalë të mira për lojtarët e tij

Autori: Gazeta inFokus 16:21 | 21 March 2021

Arbëria ka pësuar humbje në udhëtim te Llapit me rezultat 4-3, në sfidën e vlefshme për xhiron e 26-të në elitën e futbollit kosovar, shkruan Gazeta inFokus.

Ekipi nga Lipjani nuk arriti ti bëjë ballë llapjanëve, pasi futbollisti Kreshnik Bahtiri realizoi dy autogola.

Pavarësisht disfatës dhe gabimeve në mbrojtje trajneri i Arbërisë, Arbnor Morina, është shprehur i kënaqur me futbollistët e tij, pasi nuk u dorëzuan.

-Advertisement-

“Pakujdesitë po na përsëriten, mirëpo më gëzon fakti se djemtë nuk dorëzoheshin. Por, loja e mirë nuk të sjell pikë. Unë besoj te këta djem deri në fund të kampionatit. Ka ende lojë për t’u luajtur dhe unë kam besim te këta djem. Këto dy javë të pushimit do të na shërbejnë për të mirë për t’u kompletuar”, ka thënë Morina për “Art Sport”.

Pas kësaj disfate Arbëria mbetet e 8-ta me 27 pikë./Gazeta inFokus/

Subscribe në YouTube: GAZETA INFOKUSI