Lajme

Patozi: Politikanët duhet të heshtin sot, shqiptarët të zhgënjyer nga ofertat kryesore

Autori: Gazeta inFokus 13:43 | 25 June 2017

Deputeti Patozi përmes një prononcimi për TV KLAN dhe ABC News është shprehur se sot politikanëve u takon të heshtin sot. Ai shprehet se do të dontë që shqptarët të dilnin të votonin, por druan se kjo nuk ka për të ndodhur duke qenë se shqiptarët janë të zhgënjyer nga oferatat kryesore. Pato tha se fokusi I tij është PD, e cila nuk duhet ta shpërdorojë këtë shans.

Fjala e Patozit:

SECILI DO TË KORRË ATË QË KA MBJELLË VETË

-Advertisement-

(Prononcim për TV KLAN dhe ABC pas votimit në qendrën 1964 tek shkolla “Lidhja e Prizrenit” në Tiranë)

Sot në fakt është dita që flet vetëm sovrani dhe politikanëve u takon më shumë se të tjerëve të heshtin. Është dita e gjykimit të tyre, për atë që kanë bërë dhe nuk kanë bërë në këto 4 vjet. Retorika nuk ka shumë vlerë tani, sepse tek e fundit secili do të korrë atë që ka mbjellë vetë. Nesër në këtë kohë me siguri që do të kemi një rezultat paraprak dhe, sigurisht, jo të gjithë mund të thonë sërish që janë fitues apo forcë e parë.

Do te doja shumë që shqiptarët të dilnin në shumicë dërrmuese për të votuar, më fort se herët e tjera, por druaj që kjo s’ka për të ndodhur, pasi ndjej që ka një zhgënjim jo të vogel prej ofertave kryesore. Uroj me gjithë shpirt që të jem i gabuar në ketë pikë.

Natyrisht, nuk mund ta fsheh që vemendja ime më e madhe është e fokusuar tek Partia Demokratike, si sfidante e pushtetit, por edhe si forca ime politike. Dhe jam i bindur që demokratët nuk do ta shpërdorojnë këtë shans, si një mundësi, jo vetëm për të ndryshuar Shqipërinë, por edhe fatin dhe të ardhmen e partisë së tyre. Nuk ka vend për pesimizëm. Vetëm kaq mund të them për sot.

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme