Pallaska: Opozita të marrë mësim nga matematicientët që zbuluan manipulimin e Kurtit
Autori: Gazeta inFokus 23:29 | 04 September 2024
Juristi Dastid Pallaska, ka bërë një status për një ekuacion matematikor që Kurti e ka zgjidhur sot në një shkollë të Podujevës, e që nëpër rrjete sociale është bërë virale meqë po pretendohet se Kurti e ka gabuar rezultatin në fund.
Ai shprehet se Kurti ka përdorur mjeshtërinë e manipulimit, edhe për faktin se ai di matematikë.
“Fitimi i lehtë i betejave politike me opozitën që iu nënshtrua sofizmit të tij, e nxiti Albin Kurtin që sot sofizmin ta praktikojë në një shkencë ekzakte, matematikë, për të cilën kishte pretenduar se është “gjeni.”
Për dallim nga kundërshtarët e tij politikë, ekspertët matematikorë e ekspozuan sofizmin e tij shumë shpejtë dhe pa ekuivoke. Kjo e detyroi Albin Kurtin ta pranojë përpjekjen për manipulim, diçka që – me gjasë – po e bën për herë të parë”, shkroi ai.
Ai thotë se opozita duhet të marë mësim nga matematicientët që “zbuluan” manipulimin e Kurtit.
“Partitë opozitare duhet të marrin mësim nga matematicientët që ekspozuan sofizmin e Albin Kurtit sot. Kjo jo vetëm për të fituar një votë më shumë por për të parandaluar të vërtetën të shndërrohet në paradoks”.
Postimi i plotë:
Sofizmi i Albin Kurtit dhe e vërteta si paradoks
Sofizmi paraqet një “argument” të pavërtetë, të cilin autori e di që është i pavërtetë dhe – përkundër kësaj – e përdorë për të vënë të tjerët në lajthitje.
Në fjalor, sofizmi përkufizohet si “argument i zgjuar por i pavërtetë që përdoret për të mashtruar të tjerët me qëllim.”
Në thelb, sofizmi është manipulim.
Edhe pse sofizmi është i pranishëm kudo, përfshirë shkencën, sot atë e gjejmë në versionin më të keq tek politikanët manipulues dhe popullistë që shtrembërojnë paturpësisht të vërtetën për të ardhur dhe mbetur në pushtet.
Për shembull, në zgjedhjet e 14 shkurtit, Albin Kurti – me sofizëm – i bindi mbi 50% të votuesve se periudha kohore 1999 – 2021 ka qenë më e keqja në historinë e Kosovës. Kjo përkundër faktit të pamohueshëm se gjatë kësaj periudhe vendi ishte çliruar dhe pavarësuar për herë të parë në historinë e vet.
Pre e kësaj gënjeshtre nuk ishin vetëm votuesit por edhe partitë opozitare, të cilat e pranuan sofizmin e Albin Kurtit me “arsyetimin” se ekspozimi i gënjeshtrës së tij iu humbë vota. Opozita ende nuk po arrinë të këndellet nga ky gabim i rëndë.
Ky shembull tregon se efekti më i dëmshëm i sofizmit nuk është propagimi i gënjeshtrave por shndërrimi i të vërtetës në paradoks, diçka e pabesueshme edhe pse e vërtetë.
Sofizmi është i rrezikshëm edhe për shkak se i bën sofistët të duken të mençur edhe pse nuk janë. Me sofizëm, një mashtrues ordiner mund të duket intelektual apo shkencëtar apo politikan vizionar.
Edhe pse sofizmi i Albin Kurtit nuk ishte aq i zgjuar, ai e ka përdorur me mjeshtëri këtë instrument të manipulimit për të ardhur në pushtet. Kjo edhe për shkak se sofizmi i tij pothuajse kaloi pa asnjë rezistencë nga opozita e organizuar politike në vend.
Fitimi i lehtë i betejave politike me opozitën që iu nënshtrua sofizmit të tij, e nxiti Albin Kurtin që sot sofizmin ta praktikojë në një shkencë ekzakte, matematikë, për të cilën kishte pretenduar se është “gjeni.”
Për dallim nga kundërshtarët e tij politikë, ekspertët matematikorë e ekspozuan sofizmin e tij shumë shpejtë dhe pa ekuivoke. Kjo e detyroi Albin Kurtin ta pranojë përpjekjen për manipulim, diçka që – me gjasë – po e bën për herë të parë.
Partitë opozitare duhet të marrin mësim nga matematicientët që ekspozuan sofizmin e Albin Kurtit sot. Kjo jo vetëm për të fituar një votë më shumë por për të parandaluar të vërtetën të shndërrohet në paradoks.
Tani që për 5 vite jemi ngopur me sofizëm dhe gënjeshtrat që vijnë me të, qytetarëve duhet ofruar e kundërta e propagandës së Albin Kurtit. E VËRTETA, me të gjitha pjesët e pakëndshme të saj.
Çmontimi i sofizmit të Albin Kurtit duhet të filloj nga gënjeshtra më e madhe e tij, se periudha kur vendi u çlirua dhe pavarësua ishtë më e errëta në historinë tonë.
Të tjera
-
Aksidentohet rëndë një veturë taksie në Ulpianë, nuk dihet se a ka të lënduar
Një aksident i rëndë ka ndodhur para pak minutash në lagjen “Ulpiana”. Sip...
-
LDK pretendon se sekretari i saj në Podujevë u sulmua nga bashkëpunëtori i Bulliqit
Dega e Lidhjes Demokratike të Kosovës në Podujevë, po pretendon se sekretari ...
-
Të shtëna me ạrmë zjạrri pranë vendit ku ndodhej Donald Trump
Zyrtarët e fushatës së Donald Trump të dielën thanë se ish-presidenti Donald ...
-
Ish-studenti i UP-së pranohet si asistent mësimor dhe hulumtues shkencor në një nga universitetet më prestigjioze në botë
Studenti i Universitetit të Prishtinës, Lir Hoxhaj, i cili ka studiuar në Fak...
-
Pamje të rënda kur qytetari u gọdit nga vetura në Istog sapo doli nga kafeteria
Një aksident i rëndë trafiku ka ndodhur sot në Istog, ku një person është...
-
Vetëvendosje tubon gratë, Kurti u flet për barazi, Albulena Haxhiu ua kujton zgjedhjet: Ta ruajmë mbështetjen që kemi marrë
Në mbledhjen e organizatës Gratë për Vetëvendosje, të pranishëm ishin edh...
-
Osmani: Aleancat e forta e mbrojnë demokracinë
Presidentja e Kosovës, Vjosa Osmani, ka shkruar në “X”, për rëndësinë e demok...
-
Nesër në Speciale dëshmitari do të dëshmojë në seancë të mbyllur
Nesër në Dhomat e Specializuara të Kosovës në Hagë do të vazhdojë procesi gjy...
-
Kurti: Jam krenar që udhëheq vendin më demokratik në rajon
Kryeministri i Kosovës, Albin Kurti është krenar që udhëheq vendin më demokra...
-
Tahiri: Cenimi i vlerave demokratike nuk do të përsëritet në qeverisjen e Bedri Hamzës
Shefi i Grupit Parlamentar të PDK-së, Abelard Tahiri, ka bërë një deklaratë p...
-
Turistë të sufllaqeve dhe marketeve, të huajt në Shqipëri shpenzuan më pak e shëtitën më shumë
Numri më i lartë i të huajve se në 2023 që vizituan Shqipërinë në gjysmën e p...
-
Kosova shpreh gatishmëri për ta ndihmuar Çekinë e cila po përballet me vërshime
Ministri i Mbrojtjes së Kosovës, Ejup Maqedonci, ka shprehur gatishmërinë e K...