Sport

Ozil në merkato, tani në shënjestrën Manchester

Autori: Gazeta inFokus 14:33 | 02 December 2017

Pas Barcelonës, një tjetër skuadër vë në shënjestër Mesut Ozil. Bëhet fjalë për Manchester United, që kërkon të sjellë në “Old Trafford” një futbollist të karakteristikave të Ozil në merkaton e muajit janar.

Sipas të përditshmes britanike “Telegraph”, ishte pikërisht trajneri i “Djajve të Kuq”, Jose Mourinho ai që e ka kërkuar shërbimin e Mesut Ozil, kontrata e të cilit skadon në fund të këtij sezoni, me futbollistin që nuk e ka rinovuar atë, pavarësisht apelit të bërë nga trajneri Wenger.

Mourinho, i cili ka punuar me Ozil edhe te Reali i Madridit, shpeshherë e ka përkufizuar mesfushorin gjerman si Nr.10 më të mirë në botë dhe tani ai kërkon ta ketë sërish nën urdhrat e tij që në muajin janar. Por, drejtuesit e Manchester United kanë një tjetër ide, ata preferojnë që të presin fundin e sezonit për të mos paguar 20-25 milionë paundë për kartonin e tij dhe ta marrin atë falas, edhe pse janë të ndërgjegjshëm për problemet që do t’u hapë trajneri Wenger, me francezin që nuk dëshiron të përforcojë një skuadër rivale.

-Advertisement-

Subscribe në YouTube: GAZETA INFOKUSI