Lajme

Osmani pret në takim delegacionin e lartë nga Mbretëria e Bashkuar

Autori: Gazeta inFokus 22:56 | 02 December 2022

Presidentja e Republikës së Kosovës, Vjosa Osmani, priti në takim një delegacion të lartë nga Mbretëria e Bashkuar të udhëhequr nga i dërguari i kryeministrit britanik për tregtinë për Ballkanin Perëndimor, deputeti Martin Vickers.

Në takim, Presidentja Osmani potencoi raportet e veçanta dhe historikisht të mira në mes të dy vendeve, të cilat shërbejnë si themel i paluhatur për avancimin tutje dhe rritjen e vazhdueshme të bashkëpunimit bilateral.

Zhvillimet në fushën e politikës së jashtme, ekonomisë dhe tregtisë, energjisë, barazisë gjinore si dhe të drejtave të njeriut ishin në qendër të diskutimeve.

-Advertisement-

Presidentja Osmani vlerësoi lartë mbështetjen historike të Mbretërisë së Bashkuar për Kosovën në rrugën euroatlantike. Ajo veçoi rëndësinë e lartë e mbështetjes së anëtarësimit të Kosovës në Këshillin e Evropës.

Duke vlerësuar potencialin e lartë për hapjen e kapitujve të rinj të bashkëpunimit, palët diskutuan për mundësitë e mëdha për bashkëpunim gjithnjë e më intensiv në fushën e tregtisë dhe energjisë.

Deputeti Vikcers konfirmoi mbështetjen e përhershme të Mbretërisë së Bashkuar për Kosovën, duke u zotuar se shkëmbimet dhe vizitat e ndërsjella të intensifikohen gjithnjë e më shumë me qëllim të materializimit të nismave dhe projekteve në dobi të të dyja vendeve.

 

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…
-Advertisement-

Të tjera

Fokusi

lajme