Lajme

Osmani ka pritur në takim të Dërguarin e Posaçëm të Britanisë, Sir Stuart Peach

Autori: Gazeta inFokus 15:01 | 24 October 2022

Presidentja e Kosovës, Vjosa Osmani, të hënën ka pritur në takim të Dërguarin e Posaçëm të Britanisë së Madhe për Ballkanin Perëndimor, Sir Stuart Peach.

Njoftimin për vizitën e ka dhënë Presidenca.

Vizita e Peachit vjen pas atyre të emisarit amerikan për Ballkanin Perëndimor, Gabriel Escobar dhe të dërguarit special të BE-së për dialogun Kosovë-Serbi, Miroslav Lajçak.

-Advertisement-

Kujtojmë se Lajçak ka qëndruar në Kosovë gjatë ditës së shtunë, ku edhe është takuar me kryeministrin e Kosovës, Albin Kurti, vizitë kjo që u cilësua si e “rregullt”.

Ndërkaq, emisari amerikan Gabriel Escobar, gjatë vizitës së fundit në Kosovë ka deklaruar se Kosova dhe Serbia janë afër arritjes së një marrëveshjeje, duke theksuar se ka dëgjuar nga kolegët evropianë se bëhet fjalë për “çështje javësh dhe jo vitesh”.

Subscribe në YouTube: GAZETA INFOKUSI