Lajme

Osmani: Dita e Kushtetutës së Kaçanikut të shërbejë si një moment reflektimi

Autori: Gazeta inFokus 10:43 | 07 September 2023

Presidentja e Republikës së Kosovës, Vjosa Osmani në 33 vjetorin e Kushtetutës së Kaçanikut ka thënë se Kushtetuta e Kaçanikut, simbolizon përkushtimin tonë dhe guximin e delegatëve të atëhershëm të Kuvendit të Kosovës për t`i  dhënë drejtimin përpjekjes për liri, demokraci e shtet të pavarur demokratik.

Osmani thekson se delegatet dhe delegatët e atëhershëm meritojnë respektin më të lartë.

“Kushtetuta e Kaçanikut, simbolizon përkushtimin tonë dhe guximin e delegatëve të atëhershëm të Kuvendit të Kosovës për t`i  dhënë drejtimin përpjekjes për liri, demokraci e shtet të pavarur demokratik.  Kjo Kushtetutë, mishëron parimet e barazisë, lirisë  dhe demokracisë dhe mbetet guri themeltar i plotësimit të idealit të brezave për Kosovën Republikë, duke ngërthyer në vete vlerat perëndimore, aspiratë e përhershme e qytetarëve të Kosovës”, ka thënë presidentja.

-Advertisement-

E para e shtetit tha se Dita e Kushtetutës së Kaçanikut duhet të shërbejë si një moment reflektimi dhe nxitje për t`i përmbushur parimet e Kushtetutës sonë.

“Dita e Kushtetutës së Kaçanikut , duhet të shërbejë si një moment reflektimi dhe nxitje për t’i përmbushur parimet e Kushtetutës sonë, sikurse edhe mbrojtjes e afirmimit të vlerave për të cilat është përcaktuar shoqëria kosovare”, ka thënë presidentja Osmani. 

Subscribe në YouTube: GAZETA INFOKUSI
Etiketa:
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme