Lajme

Osmani: Deklarata e 2 korrikut hapi rrugën për përmbushjen e ëndrrës shekullore për Kosovën Republikë

Autori: Gazeta inFokus 10:20 | 02 July 2023

Presidentja e Kosovës, Vjosa Osmani ka thënë se Deklarata Kushtetuese e 2 korrikut ka hapur rrugën për përmbushjen e ëndrrës shekullore për Kosovën Republikë.

Ajo është shprehur se Deklarata Kushtetuese e 2 Korrikut është ngjarje emblematike, e cila shënoi kthesën tonë historike për liri dhe pavarësi, përcjell Klankosova.tv.

“Deklarata Kushtetuese e 2 korrikut të vitit 1990, e shpallur nga 114 delegatët e Kuvendit të Kosovës hapi rrugën për përmbushjen e ëndrrës shekullore për Kosovën Republikë. Akti i tyre dëshmoi se rruga e bërjes së shtetit kërkon përkushtim, sakrificë dhe guxim. Delegatët e asaj kohe i gërshetuan këto të tria, duke vërë gurin themeltar të shtetit të Kosovës, i cili u vulos më 17 shkurt 2008”.

-Advertisement-

“Deklarata Kushtetuese e 2 Korrikut është ngjarje emblematike, e cila shënoi kthesën tonë historike për liri dhe pavarësi. 2 Korriku mbetet një nga datat më të rëndësishme për shtetin tonë, ngase  themelet e tij qëndrojnë mbi vendimin e delegatëve të asaj kohe. Urime 2 Korriku, qoftë e përjetshme Republika e Kosovës”, thuhet në njoftimin e Zyrës së Presidentes.

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme