Opozita kërcënon: Do ta kundërshtojmë demarkacionin me forcë

Autori: Gazeta inFokus
14:09 | 26 April 2017
Përfaqësues të partive politike në opozitë kanë ‘kërcënuar’ me përdorim, siç thonë, ‘të të gjitha mjeteve’ në kundërshtim të marrëveshjes së Demarkacionit të kufirit me Malin e Zi.
Deklarimet pasuan përgjigjen e komisionarit të BE-së për çështje të brendshme dhe migracion, Dimitris Avramopoulos, pas takimit me kryeministrin Isa Mustafa, ‘që Kuvendi i Kosovës ta votojë sa më shpejtë marrëveshjen e Demarkacionit’.
Kryeministri Mustafa, në Bruksel ka shpalosur idenë e tij për një pezullim disa muajsh të kushtit të Demarkacionit për liberalizim të vizave.
Megjithkëtë, Qeveria e Kosovës nuk e ka bërë të qartë nëse do ta procedojë në Kuvend së shpejti projektligjin për ratifikimin e Marrëveshjes për shënimin e vijës kufitare mes Kosovës dhe Malit të Zi, ndërkohë që opozita thotë se do ta kundërshtojë fuqishëm në çdo rast kur të jetë përpara ligjvënësve.
Shqipe Pantina, deputete nga Lëvizja Vetëvendosje, tha për Radion Evropa e Lirë se do të përdoren të gjitha metodat në mënyrë që të mos lejohet miratimi i marrëveshjes, siç thotë, të dëmshme për vendin.
Pantina tha se qeveria nuk ka ndryshuar në qëndrimet e saj për ketë çështje dhe as opozita nuk ka arsye për ndryshuar rreth kësaj çështjeje.
“Prandaj nuk ka arsye të ketë ndryshime edhe në qëndrimin tonë karshi kësaj marrëveshjeje. Ende nuk i kemi diskutuar detajet, por kundërshtimi ynë do të jetë po aq i fuqishëm siç ka qenë deri më tani sepse ne nuk mendojmë dhe nuk besojmë se duhet të jepet territor për çfarëdo arsye që mund të jetë”, tha Pantina.
Deputetët e partive politike, si ata në pushtet edhe ata në opozitë, thonë se pa arritjen e një konsensusi mes subjekteve politike nuk mund të ketë sukses votimi i marrëveshjes në Kuvend.
Deputeti i Aleancës për Ardhmërinë e Kosovës, Ali Berisha, tha për Radion Evropa e Lirë se marrëveshja për Demakracionin është e dëmshme dhe nuk duhet të miratohet në Kuvend.
“Në çfarëdo seance që të sillej marrëveshja [aktuale] për Demarkacionin, AAK-ja do të votojë kundër saj. Më e mira do të ishte që partitë politike të Kosovës të merreshin vesh që kjo marrëveshje të vijë në Kuvendin e Kosovës ,të mos aprovohet aty dhe të shkohet sa më parë në rinegocim të asaj marrëveshje”, tha Berisha.
Deputeti Berisha nga AAK, ka përjashtuar veprimet e dhunshme në Kuvendit të Kosovës për të kundërshtuar marrëveshjen aktuale të Demarkacionit me Malin e Zi.
“Metodat me gaz [lotsjellës] janë të panevojshme pasi edhe deputetët e tjerë të Kuvendit të Kosovës, por edhe mbarë popullata e Kosovës e ka të qartë se kjo marrëveshje për Demarkacion është e dëmshme, kështu që ato metodat e gazit në të gjitha forumet e partitë është vendosur që nuk do të përdoren. Më e mira është që përmes votës në Kuvend të votojmë kundër dhe marrëveshja të jetë e pazbatueshme”, tha Berisha.
Demarkacioni i kufirit me Malin e Zi, u nënshkrua në gusht të vitit 2015 në praninë ndërkombëtare, dhe ai u shndërrua në një kusht nga BE-ja për procesin e liberalizimit të vizave për qytetarët e Kosovës.
Demarkacioni është kundërshtuar në Kuvendin e Kosovës nga partitë në opozitë të cilat kanë përdorur edhe gazin lotsjellës për të penguar një votim të tij.
Pas një debati të gjerë të organizuar në Kuvendin e Kosovës me përfaqësues të botës akademike dhe ekspertë të fushës, qeveria e tërhoqi një projektligj me arsyetimin e krijimit të kushteve për votimin e tij.
Projektligji nuk është rikthyer ende, sado që drejtues të dy partive në koalicionin qeveritar, thanë se Demarkacioni do të gjendet përpara Kuvendit brenda pak ditësh. Deklaratat u bënë pas bisedave telefonike me zëvendës ndihmës sekretarin e SHBA-së, Hoyt Yee. (REL)

Të tjera
-
Osmani përkujton masakrën e 3 dhe 4 shkurtit të vitit 2000 ndaj shqiptarëve në veri
Presidentja e Republikës së Kosovës, Vjosa Osmani, ka përkujtuar 23-vjetorin ...
-
Xhevdet Pozhari angazhohet në kabinetin e Arben Vitisë si “eskpert i jashtëm”
Analisti kosovar, Xhevdet Pozhari është angazhuar në Ministrinë e Shëndetësis...
-
Dy ditë shfaqje në Kuvendin e Serbisë, Vuçiq: “Kurrë s’e njoh Kosovën”
Në Kuvendin e Serbisë ka vazhduar shfaqja e lënë në gjysmë, me Vuciqin që tho...
-
Mehaj takon Abbott, flasin për mundësinë e mbështetjes financiare nga qeveria britanike
Ministri i Mbrojtjes, Armend Mehaj, e ka pritur në takim ambasadorin e Mbretë...
-
Erdogan priti Kurtin në një pallat në Stamboll
Kryeministri Albin Kurti u prit sot në Stamboll nga Presidenti turk, Rexhep T...
-
MINT ndalon shitjen e vajit nga Serbia
Inspektorati i Tregut në vazhdën e inspektimeve të intensifikuara ka kryer ed...
-
Stefanoviq: T’i vendosim sanksione Rusisë, që të mos e njohim pavarësinë e Kosovës
Borko Stefanoviq, deputet i Partisë opozitare pro-evropiane për Liri dhe Drej...
-
Punimet në rrjet, KEDS tregon cilat zona do të mbesin pa rrymë
KEDS ka bërë të ditur se më 6 shkurt të këtij viti do të ketë ndërprerje të e...
-
Kurti kërkon bisedime për planin evropian dhe Asociacionin: Jemi gati për t’u angazhuar intensivisht
Duke shpërndarë gjashtë kushtet e Kryeminsitrit Albin Kurti, për ta pranuar f...
-
Operacioni “Bridora”, Britania me plan të ri për të dëbuar sa më shumë shqiptarë
Ministria britanike e Emigracionit ka urdhëruar njësitë e azilit të merren ve...
-
Kuvendi i Gjilanit injoron Ministrinë e Financave, miraton kërkesën për lirimin deri në 100 euro nga tatimi
Ndonëse Ministria e Financave ka njoftuar se komunat nuk kanë kompetencë për ...
-
Detyruan fëmijët e tyre të kërkojnë lëmosh, arrestohen burrë e grua
Policia nё Istog kanё identifikuar dhe arrestuar tё dyshuarin me iniciale E.G...