Sport

Nuk do ta besoni çfarë iu ka bërë Reali tifozëve që e festuan golin e Messit

Autori: Gazeta inFokus 22:30 | 25 April 2017

Real Madrid ka bërë të ditur se u ka hequr abonetë 357 tifozëve të cilët kishin abonime vjetore dhe që me sa duket nuk ishin aq shumë të dhënë pas “los blancos” dhe janë filmuar ndërsa bënin tifo për Barcelonën.

Në fakt, gjatë ndeshjes bëri shumë përshtypje se në “Santiago Bernabeu” kishte shumë mbështetës të katalanasve të shpërndarë nëpër stadium dhe vetë Mesi festoi para disa prej tyre në momentin e shënimit të golit të fitores. Reali ka kërkuar nëpërmjet videove mbajtësit e aboneve për ato vende dhe ka zbuluar se shumë persona ua kanë dorëzuar vendin e tyre personave të tretë që mbështetnin rivalët e përjetshëm.

Sot, klubi doli me komunikatë për të bërë të ditur se ndalohej në mënyrë të rreptë “huazimi” i vendeve të abonuara, ndërsa ishin marrë masa disiplinore ndaj shkelësve.

-Advertisement-

Klubi bëri të ditur se organet disiplinore që funksiononin brenda tij kishin hapur hetimet për 1450 mbajtës abonesh pas “El Clasico”, ndërsa si fillim ishte ndërmarrë masa për 357 të tillë, duke ia tërhequr këtë abonim pasi kishin thyer rregullin e mësipërm.

Subscribe në YouTube: GAZETA INFOKUSI
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

sport