Sport

“Nuk luajtëm mirë”, Xavi: Ky Real është shumë i fortë

Autori: Gazeta inFokus 10:08 | 03 Mars 2023

Barcelona fitoi 0-1 në Madrid përballë Realit, duke hedhur një hap drejt kualifikimit në finalen e Kupës së Mbretit. Xavi është i kënaqur me suksesin në sfidën e parë, aq më tepër ndaj “armiqve” të Realit.

“Rezultati është shumë pozitiv, por është edhe ndeshja e kthimit. Jemi të kënaqur. Ia dolëm t’i kufizonim. Ata janë një skuadër që krijojnë shumë raste për gol. Por ndaj nesh e krijuan rastin e parë të rrezikshëm në 89’.

Fituam shumë duele ndaj një kundërshtari të nivelit të lartë. Sigurisht që nuk e dominuam ndeshjen. Jemi të lumtur me fitoren, por jo me lojën. Do të bëjmë pak ndryshime në ndeshjen e kthimit.

-Advertisement-

Është avantazh të luajmë përballë tifozëve tanë, por ky Real është shumë i fortë. Të njëjtën gjë do të thoja edhe nëse do të kishim humbur. Duam të kualifikohemi në finale”, u shpreh Xavi.

Autogoli i Eder Militaos në pjesën e parë, vendosi duelin e luajtur në “Santiago Bernabeu”. Takimi i kthimit do të zhvillohet në “Camp Nou” në datën 5 prill.