Lajme

Nuk ka kuorum, dështon miratimi i vendimit të qeverisë për marrjen e masave emergjente në furnizimin me energji ekeltrike

Autori: Gazeta inFokus 13:10 | 29 September 2022

Kuvendi i Kosovës në seancën e sotme ka dështuar ta miratojë vendimin e qeveriës për marrjen e masave emergjente në furnizimin me energji ekeltrike, shkruan Gazeta Infokus.

Miratimi i këtij vendimi dështoi, ngase në votim morën pjesë vetëm 58 deputetë, të cilët nuk arritën ta përmushin kuorumin.

Ky vendim i qeverisë erdhi në kuvend pas një mocioni procedural dhe solli mjaft debate mes pozitës dhe opozitës.

-Advertisement-

Vendimi i qeverisë për marrjen e masave emergjente në furnizimin me energji elektrike u kundërshtua nga partitë opozitare të cilat edhe bojkotuan votimin.

Derisa, gjatë së enjtes ministrja e Ekonomisë, Artane Rizvanolli, në në Komisionin për Ekonomi, Industri, Ndërmarrësi dhe Tregti ka thënë Kosovën e pret një dimër i vështirë.

“Jemi në një kohë kur moti po fillon të ftohet. Tani po kërkojmë që masat emergjente të zgjaten duke pasë parasysh se pritet të jetë një dimër i vështirë.

Gjatë kësaj kohe kemi marrë disa vendime. Kemi marrë vendim për ndalimin e dhënies së thëngjillit në formë të dhuratës për punëtorët e KEK.

Së shpejti do të bëhet ndalimi i importit të poçave elektrikë joefiçent”, tha ndër të tjera Rizvanolli./Gazeta Infokus/

Subscribe në YouTube: GAZETA INFOKUSI