Njohësit e procesit të dialogut: Takimi i radhës në Bruksel do të definojë formën e Asociacionit
![](https://gazetainfokus.com/wp-content/uploads/2023/04/FAEBA3AC-57B4-42E0-BC76-6035D4A9358D1-852x460.jpeg)
Autori: Gazeta inFokus
20:53 | 30 April 2023
Më 2 prill në Bruksel, përpos çështjes së të pagjeturve sipas vëzhguesve të procesit të dialogut, do të definohet nëse Asociacioni i komunave me shumicë serbe, do të ketë kompetenca ekzekutive, ose më të avancuara. Ndërkaq deputeti i partisë më të madhe opozitare, deklaron se me qasjen e Qeverisë Kurti në dialog, Kosova e ka vetëm një rrugë zbatimin e marrëveshjes, ndërsa Serbia e ka fituar rolin që të insistoj më shumë në kërkesat e saj.
Dilema për të cilën protestohet e diskutohet për më shumë se një dekadë sipas atyre që e përcjellin dialogun, pritet të marrë fund në datën 2 maj.
Takimi i radhës në Bruksel sipas analistit Visar Xani do të qartësojë nëse asociacioni do të ketë kompetenca ekzekutive ose kompetenca më të avancuara.
“Edhe Qeveria e Kosovës nuk ka shumë informacion se çfarë drafti do të jetë në tavolinë dhe është shumë e rëndësishme me e pa se si është ndërtuar ai draft, çfarë mbështetje ka, a ka mbështetje ndërkombëtare apo vetëm është i hartuar në një mënyrë i cili mund të sfidojë palët”, ka thënë për RTV Dukagjinin Visar Xani, njohës i procesit të dialogut.
Përpos Asociacionit për palët sfidë është cilësuar një temë tjetër, e cila përkundrazi i shërben qarkullimit të lirë të qytetarëve, ide e proklamuar për vite me radhë nga ndërmjetësuesit e dialogut.
Hapja për qarkullim e urës kryesore mbi lumin Ibër, vendim i marrë nga kuvendi i Mitrovicës Veriore.
Edhe pse ky vendim është në shërbim lirisë së lëvizjes sipas Xanit duket se nuk ka disponim nga ndërmjetësuesit që të shtrohet si temë në Bruksel. Ky vendim është dënuar ashpër edhe nga Serbia, shteti i cili sipas Xanit publikisht e ka shkelur marrëveshjen e Ohrit.
“Edhe pse pala serbe do të mundohet të fshihet pas disa veprimeve por duhet të treguar qartë, edhe lehtësuesit edhe garantuesit të marrëveshjeve, se palët nuk duhet të devijojnë zotimet e tyre. Ndryshe nëse kemi devijime të këtyre zotimeve dhe mos-zbatim të obligimeve që i marrim në tryezën e bisedimeve atëherë nuk ka marrëveshje serioze dhe nuk ka marrëveshje që mund të besohet. Çdo marrëveshje duhet të ketë hapa konkret, duhet të ketë zbatueshmëri të qartë duhet të ketë garancion të fuqishëm dhe duhet të ketë veprime ndëshkuese për palën e cila nuk tregohet zbatuese të marrjes së obligimeve”, shtoi Xani.
Përpos që nuk po dënohet për mos-respektim të marrëveshjes, sipas deputetëve të opozitës Serbia është në dispozicion edhe që të paraqesë kërkesa shtesë për planin franko-gjerman, mundësi të cilën sipas tyre e ka humbur Kosova.
“Pritjet janë të qarta janë të lexueshme i kemi qëndrimet e përfaqësueseve ndërkombëtar dhe kërkesat e tyre konkrete. Kryeministri në marrëveshjen e Brukselit dhe atë të Ohrit, të gjitha ato detyrime që përfshihen në kuadër të marrëveshjes së Brukselit për planin franko-gjerman dhe ato në aneksin për implementim të Ohrit janë qartësisht të definuar dhe ato do të interpretohen vetëm nga Lajçak….Kosova nuk e ka më komoditetin dhe të drejtën e interpretimit dhe mbajtjes së qëndrimeve, por e kundërta. Por duhet vetëm që të jetë zbatuese, në këtë moment Serbia e ka rolin e asaj që insiston dhe kërkon kurse Kosova është e detyruar që të zbatoj”, ka thënë deputeti Hisen Berisha.
Kryeministri Albin Kurti do të takohet me presidentin serb, Aleksandar Vuçiq më 2 maj në Bruksel.
Bashkimi Evropian ka publikuar agjendën, ku fillimisht do të bëhet nënshkrimi i deklaratës për personat e zhdukur si pikë e parë, e cila do të pasohet me diskutimet për draft-statutin e Asociacionit të komunave me shumicë serbe në Kosovë.
![](https://gazetainfokus.com/wp-content/uploads/2024/03/Alan-Greenberg-UNI-NEW-03-e1709546819299-770x4001-1.jpg)
Të tjera
-
ShSKUK kërkon të bëhet një zgjidhje sa më e shpejtë për çështjen e sụlmeve të qenve në oborrin e QKUK-së
Shërbimi Spitalor Klinik Universitar i Kosovës (ShSKUK) ka kërkuar që të bëhe...
-
Hoti, Kurtit pas vizitës në KEK: Sot, Kosova s’ka siguri energjetike, asnjë projekt madhor s’ka nisur
Deputeti i LDK-së, Avdullah Hoti ka thënë se në vitin e katërt të mandatit të...
-
Stano: Zbatimi i marrëveshjes kërkesë e Brukselit dhe e Uashingtonit
Zëdhënësi i Bashkimit Evropian, Peter Stano u tha gazetarëve se nuk ka çfarë ...
-
Arrestohet një person në Podujevë, po kërkohej për një vrạsje në tentativë
Një person është arrestuar një person i kërkuar për një vrasje në tentativë n...
-
Krasniqi takohet me shefin e ri të BE-së: PDK e përkushtuar për rrugëtimin evropian të Kosovës
Kryetari i PDK-së, Memli Krasniqi, është takuar me shefin e ri të zyrës së BE...
-
Përleshja me ạrmë me Capat, Shkumbin Sekiraqa deklarohet i pafajshëm
Tashmë ka nisur seanca fillestare ndaj Shkumbin Sekiraqës, i akuzuar për tent...
-
SBASHK: Presim që institucionet të dëshmohen se janë për dialog dhe nuk i duan grevat në arsim
SBASHK vazhdon takimet konsultative me përfaqësuesit e arsimit, nga çerdhet d...
-
Punësohen 149 punëtorë të rinj në KEK
Sot, Korporatës Energjetike të Kosovës i janë bashkuar 149 punëtorë të rinj. ...
-
Vlera e Bitcoin mund të arrijë deri në 90,000 dollarë, nëse fiton Trump – parashikojnë analistët
Të pasurit në pronësi të Bitcoin mund të çojë në fitime masive nëse ish-presi...
-
Kurti shkon në veri bashkë me Sveçlën, vendos gurthemelin e nënstacionit të policisë
Kryeministri i Kosovës, Albin Kurti ka qëndruar sot në veri. Siç u raportu...
-
Në prag të debatit Kamala-Trump, pothuaj milimetrike garat në 7 shtete kyçe
Kolegji Elektoral që do të dalë nga zgjedhjet e 5 nëntorit në SHBA, do të për...
-
Raporti i KDI: Deputetët munguan 525 herë në 29 seanca
Kuvendi i Kosovës gjatë këtij sesioni ka shënuar një rënie në aktivitetin e t...