Sport

Një kampion bote josh Franck Ribery, e fton tek ekipi i tij

Autori: Gazeta inFokus 15:22 | 14 March 2019

Pas deklaratave të ashpra nga Markus Babbel për Franck Ribéry, kur e përshkroi si një “fiasko”, lojtari francez duket se ka marrë një telefonatë nga superstari spanjoll, që e fton ta shoqërojë atë në ekipin e tij sezonin e ardhshëm. Kështu raporton e përditshmja sportive gjermane, “Kicker”.

Ribery nuk e ka rinovuar deri më sot kontratën me Bayern Munich dhe nuk ka të ngjarë që negociatat me 35-vjeçarin ta zgjasin qëndrimin e tij në klubin gjerman. Mos harroni se kontrata e tij përfundon në qershor të këtij viti. Kampioni i botës me Spanjën dhe legjendë e Barcelonës, Xavi Hernandez, i cili është duke luajtur në Katar, për Al-Sadd Sports Club, do ta tërheqë francezin pas vetes.

Ribery ka jetuar dhe luajtur në Mynih në 12 vitet e fundit. Sipas “Kicker”, Xavi e ka telefonuar francezin për ta bindur që të nënshkruajë me ekipin e tij sezonin e ardhshëm. Sipas këtij informacioni, Ribery është ndier i joshur nga ideja për të luajtur së bashku me Xavi në Emiratet e Bashkuara Arabe. Ai mendon se mund të luajë edhe dy, ose tri vite, para se ta përfundojë karrierën si futbollist.

-Advertisement-

Kuptohet, kjo mund të ndodhë në një nivel më të ulët, jo te Bayern Munich, që synon revolucionin në verë, për ta rinovuar ekipin. Eliminimi i mbrëmshëm nga Liverpool, pa shkuar dot as në çerekfinale të Ligës së Kampionëve, e bën ulëritëse nevojën për ndërhyrje te bavarezët.

Subscribe në YouTube: GAZETA INFOKUSI