Lajme

Ngacmohen seksualisht dy gra në Ferizaj

Autori: Gazeta inFokus 09:59 | 04 November 2022

Dy raste të ngacmimit seksual kanë ndodhur në Ferizaj për dy ditë, shkruan Gazeta Infokus.

Në njërin rast, i cili ka ndodhur të mërkurën, një shtetase e Afganistanit është ngacmuar seksualisht nga një shtetas po ashtu i Afganistanit.

Policia ka njoftuar se i dyshuari është arrestuar.

-Advertisement-

Derisa, me vendim të prokurorit palët janë liruar dhe rasti vazhdon në procedurë të rregullt.

“Është arrestuar i dyshuari mashkull shtetas i Afganistanit, pasi që ka ngacmuar seksualisht viktimën femër shtetase e Afganistanit. Me vendim të prokurorit pas intervistimit palët janë liruar dhe rasti shkon në procedurë të rregullt”, thuhet në raport.

Ndërkaq, rasti tjetër ka ndodhur të enjten, ku një grua ka raportuar në polici se është ngacmuar seksualisht nga një burrë.

Sipas policisë, lidhur me rastin në fjalë i dyshuari është intervistuar dhe rasti po vazhdon të hetohet.

“Viktima femër kosovare ka raportuar se është ngacmuar seksualisht nga i dyshuari mashkull kosovar. Lidhur me rastin i dyshuari është intervistuar, rasti nën hetime”, njofton policia.

Derisa, të dy rastet janë iniciuar si “Ngacmim seksual”./Gazeta Infokus/

Subscribe në YouTube: GAZETA INFOKUSI