Lajme

Nga sot, pakot e cigareve duhet t’i përmbajnë këto paralajmërime

Autori: Gazeta inFokus 18:47 | 01 September 2024

Nga sot, të gjitha produktet e duhanit duhet të përmbajnë fotografi dhe vërejtje shëndetësore për pasojat në shëndet.

Një udhëzim administrativ i Ministrisë së Shëndetësisë për këtë çështje ka hyrë në fuqi sot.

“Ministria e Shëndetësisë, në përputhje me angazhimin për mbrojtjen e shëndetit publik dhe reduktimin e ndikimit të përdorimit të duhanit, dhe pas miratimit dhe hyrjes në fuqi të Udhëzimit Administrativ Nr. 02/2024, i cili ndryshon dhe plotëson Udhëzimin Administrativ Nr. 05/2023 për Vërejtjet e Kombinuara, njofton se nga sot fillon zbatimi i këtij udhëzimi. Të gjitha produktet e duhanit që importohen apo prodhohen për tregun e Republikës së Kosovës duhet të përmbajnë fotografi me ngjyra ose ilustrime të tjera dhe të përmbajnë vërejtjet shëndetësore të përcaktuara në këtë Udhëzim Administrativ”, thuhet në njoftimin e MSH-së.

-Advertisement-

Siç e parasheh udhëzimi administrativ, Ministria e Shëndetësisë njoftoi se “vërejtjet shëndetësore do të shfaqen në paketimet e të gjitha produkteve të duhanit për tymosje, produkteve të duhanit që nuk tymosen, si dhe produkteve të reja të duhanit”.

Ilustrimet se si do të duken paketimet e produkteve të duhanit mund t’i shihni këtu.

Subscribe në YouTube: GAZETA INFOKUSI
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme