Nga dhjetori kosovaret mund të vizitojnë Italinë
Autori: Gazeta inFokus 14:57 | 23 September 2018
Muaji dhjetor do të shënojë fillimin e punës së kompanisë ajrore “Airkos”, kompani e cila do të ofrojë udhëtime nga Kosova drejt shtetit të Italisë dhe anasjelltas.
Më 7 dhjetor do të jetë fluturimi i parë i “Airkos” drejt Trevizës së Italisë, ku nga ajo ditë pastaj do të ofrojë fluturime dy herë në javë, çdo të martë dhe të premte.
Drejtori gjeneral dhe themeluesi i “Airkos”, Jeton Krasniqi, për KosovaPress ka treguar
“Prej datës 7 dhjetor do të jetë fluturimi i parë nga Prishtina drejt Trevizës dhe anasjelltas, dy herë në javë, të martën dhe të premten. Do të fillojmë së pari me këto dy ditë dhe pastaj do të rrisim edhe numrin e fluturimeve. Pastaj do ta krijojmë edhe disa pako që do t’i krijojmë mundësitë për të vizituar Venecian ose Veronën, por jo vetëm këto dyja po edhe në Kosovë do të krijojmë disa pako që do t’iu mundësojnë të huajve, italianëve në përgjithësi që të vijnë dhe të vizitojnë Kosovën dhe të kemi shembull çmime të volitshme për qytetarët e Kosovës që dëshirojnë të shkojnë për të vizituar Italinë”, ka bërë të ditur ai.
Qëllimi i krijimit të kësaj linje fluturimi, sipas Krasniqit është krijimi i lidhjes në mes të dy shteteve.
Sipas Krasniqit, kosovarët që jetojnë në Itali kanë pasur shumë probleme sa i përket udhëtimit me aeroplan drejt Kosovës, e që kjo ka qenë edhe ndër arsyet që e ka shtyrë atë të krijojë këtë kompani.
“Qëllimi ka qenë mungesa e lidhjes mes Kosovës dhe Italisë, sepse kemi një vështirësi pasi tani është vetëm një fluturim që fluturon nga Verona për në Prishtinë, shumica e qytetarëve të Kosovës që jetojnë në Itali janë në rrethinë të Trevizës apo të Venecias, kështu që e kemi parë të domosdoshme që ka një kërkesë të madhe për realizimin e një linje të fluturimi të reja që do ta ketë bazë Trevizënm pasi që do të ketë edhe liberalizim të vizave mendojmë që ka nevojë, sidomos të rinjtë ta vizitojnë Italinë dhe një pikë më afër Venecias është Treviza, kështu që është një lehtësim për të dy anët dhe kjo ka qenë qëllimi kryesor që na ka shtyrë të realizojmë këtë projekt”, është shprehur ai.
Përveç bashkatëdhetarëve që jetojnë në Itali, të cilët do të kenë më të lehtë të vijnë në vendlindje, edhe qytetarët e Kosovës do të kenë mundësi që me çmime shumë të arsyeshme të vizitojnë Italinë, pasi kjo kompani ajrore “Airkos” ka menduar që të krijojë pako udhëtimesh.
Drejtori i “Airkos”, Jeton Krasniqi, ka thënë se biletat prej Kosovës drejt Italisë dhe nga Italia në Kosovë do të jenë shumë të arsyeshme.
“Politika jonë e biznesit do të jetë ajo që do të kemi biletat jo të shtrenjta, si në sezon po ashtu edhe jashtë sezones. Do të kemi bileta të volitshme dhe normal qëllimi jonë është që me ua mundësua të gjithëve me udhëtua dhe me vizitua Italinë ose Kosovën. Do të jetë një kosto e volitshme për dy anët, edhe për kosovarët që jetojnë në Kosovë që dëshirojnë të vizitojnë Italinë, por edhe për shqiptarët që jetojnë në Itali dhe dëshirojnë me ardhë në pushim në Kosovë”, ka thënë Krasniqi.
Për fillim kompania ajrore “Airkos” do të operojë vetëm drejt Italisë, por që synim i kësaj kompanie është zgjerimi edhe në tregje të reja, e një nga synimet është edhe Greqia.
“Të ardhmen besojmë që do të zgjerohemi edhe në tregjet tjera, jo vetëm në Itali. Do të zgjerohemi edhe në tregjet e turizmit drejt Greqisë, besojmë se do të zgjerohemi në disa pako pushimi për qytetarët e Kosovës që dëshirojnë të shkojnë në Greqi dhe të vizitojnë Greqinë. Të njëjtën gjë do ta bëjmë edhe prej Italisë që do të mundësojmë qytetarëve të Kosovës, por jo vetëm atyre mundësinë që t’i kalojnë pushimet edhe në Greqi me çmime të volitshme dhe me fluturime me të shpeshta”, potencoi ai.
“Airkos” sipas drejtorit të saj Jeton Krasniqit, ani pse është kompani e re, është një kompani me shumë perspektivë dhe me qëllimin e saj kryesor të cilin e ka që t’ia mundësojë të gjithëve të udhëtojnë dhe të vizitojnë Italinë.
“Airkos” fluturimin e parë drejt Trevizës së Italisë nga Kosovë do ta ketë në muajin dhjetor
Të tjera
-
56 vjeçari gjendet i vdekür në banesën e tij në Fushë Kosovë
Një 56-vjeçar është gjetur pa shenja jete në banesën e tij në rrugën “Dardani...
-
Ambasadori britanik në Beograd: Asociacioni të formohet sa më shpejt që të jetë e mundur
Ambasadori i Mbretërisë së Bashkuar në Serbi, Edward Ferguson, ka thënë të pr...
-
Kurti takohet me deputetë gjermanë në Berlin, flasin për aplikimin e Kosovës në KiE
Në ditën e dytë të qëndrimit të tij në kryeqytetin e Gjermanisë, Kryeministri...
-
FSK zgjedh ushtarin më të mirë për vitin 2024
Forca e Sigurisë së Kosovës ka mbajtur sot ceremoninë e garës ndërkombëtare “...
-
Pas dyshimeve për keqpërdorim, konstituohet komisioni hetimor për subvencionimin e teksteve shkollore
Komisioni hetimor parlamentar për procesin e subvencionimit të teksteve shkol...
-
Projektligji për KPM-në, Deirdre Kevin: Ligjet janë në përputhje me standardet evropiane
Projektligji për Komisionin e Pavarur për Media, u diskutua sërish në Komisio...
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...