Lajme

Në raportin e Progresit për Kosovë kritikohet bashkëpunimi ndërmjet Qeverisë dhe Komunave

Autori: Gazeta inFokus 13:23 | 10 November 2023

Në raportin e Progresit për Kosovë, që është prezantuar disa ditë më parë është përmendur komunikimi dhe bashkëpunimi ndërmjet Qeverisë së Republikës së Kosovës dhe atë të komunave.

Në këtë raport kritikohet ky bashkëpunimi midis nivelit qendror dhe atij lokal.

“Në korrik 2022, Kuvendi miratoi Ligjin për sistemin e menaxhimit të performansës komunale, një instrument i rëndësishëm për promovimin e konkurrencës ndërmjet komunave në ofrimin e shërbimeve cilësore dhe të stimulojnë transparencën. Komunikimi dhe bashkëpunimi ndërmjet Qeverisë dhe komunave kanë nevojë për përmirësim. Për sa i përket praktikave të auditimit, është arritur progres drejt mbikëqyrjes më efektive dhe qeverisjes transparente. Komunat nuk shfrytëzojnë mjaftueshëm mekanizmat ekzistues të bashkëpunimit ndërkomunal”, thuhet në raportin e Progresit për Kosovën.

-Advertisement-

Ndërkaq, drejtori ekzekutiv i Asociacionit të Komunave të Kosovës, Sazan Ibrahimi, në një prononcim për “IndeksOnline”-n, ka thënë se komunat gjithnjë janë shprehur të gatshme për bashkëpunim, por që një qasje të tillë nuk e kanë vërejtur nga Qeveria.

“Kjo është për keqardhje dhe shpresojmë që niveli qendror, pra Qeveria do të reflektojnë në përmirësimin e këtij bashkëpunimi, në mënyrë që kjo vërejtje të eliminohet vitin e ardhshëm. Komunat gjithnjë kanë shprehur gatishmëri për bashkëpunim, por që një qasje e tillë nuk është vërejtur fare nga niveli qendror në shumë ligje, të cilat prekin kompetencat e komunave e të cilat kompetenca janë të garantuara me Kushtetutën e Republikës së Kosovës si edhe me ligjet sektoriale”, theksojë Ibrahimi.

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme