Fokus

Në krye të detyrës, kaq policë në Kosovë humbën jetën nga COVID-19

Autori: Samire Jaha 11:04 | 26 January 2022

Virusi COVID-19 i cili për herë të parë në Kosovë u shfaq në nëntor të vitit 2019 mori jetën e 25 zyrtarëve policorë.

Këtë për Gazetën Infokus e kanë konfirmuar nga zyra për Informim të Policisë së Kosovës.

Ndërsa sipas tyre, aktualisht të infektuar me këtë virus në policinë e Kosovës janë 239 zyrtarë.

-Advertisement-

“Referuar kërkesës suaj ju njoftojmë se për momentin raste aktive me Covid-19, janë 239 ndërsa si pasojë e Covid-19, fatkeqësisht kanë humbur jetën 25 punonjës të Policisë së Kosovës”, thuhet në përgjigjen e policisë.

Deri më tani në Kosovë nga covid-19 kanë humbur jetën 3 mijë e 2 qytetarë. Muaji janar i vitit 2022 nisi me rritje të rasteve me COVID-19 në vend.

Sipas raportit të fundit në Kosovë vetëm dje pati 2 mijë e 707 të infektuar me këtë virus derisa raste aktive në total janë 21 mijë e 668.

Gjithashtu nga ky raport, kanë njoftuar se janë shëruar edhe 556 persona, derisa numri i përgjithshëm i të shëruarve është 161 mijë e 726./Gazeta Infokus/

Subscribe në YouTube: GAZETA INFOKUSI
Etiketa:
Aeroporti “Adem Jashari” ka një kërkesë për udhëtarët që kanë humbur valixhet e tyre
-Advertisement-

Të tjera

Fokusi

fokus