Lajme

Ndërtimet pa leje, Prokuroria vazhdon edhe sot aksionin në Brezovicë

Autori: Gazeta inFokus 11:04 | 11 August 2022

Prokuroria Themelore në Ferizaj ka bërë të ditur se ka vazhduar edhe sot aksionin në zonën e Brezovicës.

Sipas njoftimit për media, Prokuroria Themelore në Ferizaj në bashkëpunim me Drejtorinë e Krimeve të Rënda në Prishtinë, Inspektoratin e Ministrisë së Mjedisit, Inspektoratin e komunës, Drejtorinë e Parkut Kombëtar “Sharri” dhe Agjensinë Kadastrale të Kosovës, edhe sot janë duke vazhduar operacionin për identifikimin dhe regjistrimin e vikend-shtëpizave në zonën e Brezovicës.

“Në operacionin e sotëm të pranishëm janë edhe Inspektorati Qëndror i Pylltarisë për shkak të dëmtimit të madh të pyllit në Parkun Kombëtar ‘Sharri’ në zonën e Brezovicës”.

-Advertisement-

Prokuroria ka bërë të ditur se qëllimi i këtij operacioni të sotëm në Brezovicë është identifikimi i ndërtimit të të gjitha objekteve në zonat e mbrojtura të parkut kombëtar se në cilat zona janë ndërtuar ato, a posedojnë leje ndërtimore dhe të njëjtat a janë në pajtim me ligjin.

Ky është aksioni i dytë në Brezovicë brenda kësaj jave.

Subscribe në YouTube: GAZETA INFOKUSI