Lajme

NATO respekton vendimin e Serbisë për të mos u bashkuar: S’e detyrojmë asnjë vend

Autori: Gazeta inFokus 08:44 | 09 February 2022

Sekretari i Përgjithshëm i NATO-s, Jens Stoltenberg, ka thënë se respektojnë vendimin e Serbisë për të mos anëtarësuar në aleancë, duke shtuar se roli kryesor i NATO-s në Kosovë është të mbështesë dialogun politik dhe të mundësojë lëvizjen e lirë për të gjithë.

Stoltenberg tha se NATO-ja asnjëherë nuk ka detyruar asnjë vend të anëtarësohet në NATO, njofton Klan Kosova.

“Është një vendim sovran dhe i pavarur i Serbisë dhe NATO-ja e respekton absolutisht, siç respekton vendimet e Suedisë dhe Finlandës, të cilat janë partnerë të ngushtë me ne, por nuk janë anëtarësuar në NATO”, ka thënë Stoltenberg për televizionin serb “Vesti”.

-Advertisement-

Stoltenberg tha se Aleanca ka një rol të rëndësishëm në ruajtjen e paqes dhe parandalimin e konflikteve, si dhe në gjetjen e një zgjidhjeje politike për dialogun ndërmjet Beogradit dhe Prishtinës dhe se mbështet Bashkimin Evropian, i cili po ndihmon në atë dialog.

Duke folur për praninë e Aleancës në Ballkan, Stoltenberg tha se NATO ka zyre në Sarajevë, forcat e KFOR-it në Kosovë dhe një zyrë në Beograd dhe kujtoi se Mali i Zi dhe Maqedonia e Veriut janë anëtarësuar në NATO.

Ai përmendi se mandati i tij dhjetëvjeçar në krye të NATO-s përfundon këtë vit, më 1 tetor dhe se në fund të vitit do të marrë detyrën e guvernatorit të Bankës Qendrore në Norvegji.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy