Mustafa: Kurti e Osmani kanë bërë karrierë duke akuzuar pa fakte, të mbajnë përgjegjësi nëse rasti Berishaj del i vërtetë
Autori: Gazeta inFokus 15:29 | 23 April 2022
Kurti e Osmani janë në krye të shtetit dhe jo në institucione fetare, prandaj ata duhet t’i besojnë ligjit dhe jo çka thonë personat e caktuar. Kështu po thotë ish-kryeministri i Republikës së Kosovës, Isa Mustafa, lidhur me rastin e ambasadorit të Kosovës në Kroaci, Martin Berishaj dhe reagimin e krerëve të shtetit të Kosovës. Mustafa ka goditur tandemin Kurti-Osmani, duke thënë se të dy karrierën e tyre politike e kanë krijuar duke akuzuar njerëz për krim, korrupsion e çdo gjë tjetër pa fakte, dhe jo duke besuar në njerëz. Ai shton se nëse del të jetë e vërtetë që ambasadori Berishaj është i përfshirë në skandalin në Slloveni, atëherë Kurti e Osmani duhet të mbajnë përgjegjësi.
Pasi mediat sllovene shpërfaqën skandalin financiar ku përmendet edhe emri i ambasadorit të Kosovës në Kroaci, Martin Berishaj, kryeministri Albin Kurti dhe presidentja Osmani i dolën në mbrojtje këtij të fundit. Ata thanë se ambasadori do ta padisë median për shpifje dhe do të presin organet e drejtësisë.
Ish-kryetari i LDK-së, Isa Mustafa, në një përgjigje për Gazetën Express tha se afera në të cilën po dyshohet se është i përfshirë ambasadori Berishaj është e rëndë dhe e dëmshme për Kosovën pavarësisht se si do të përfundojë në fund.
Sipas Mustafës sjellja e kryeministrit Kurti dhe presidentes Osmani dje është edhe më e rëndë dhe e papërgjegjshme pasi në punët e shtetit nuk i besohet askujt por vetëm ligjit.
“Afera është shumë e rëndë dhe e dëmshme për Kosovën, pavarësisht epilogut të saj. Aq më e rëndë dhe e papërgjegjshme është sjellja e Presidentes dhe e Kryeministrit ndaj kësaj afere. Nuk veprojnë ashtu krerët e shtetit. Ata nuk janë aty për të besuar apo për të mos besuar, nuk janë në institucione religjioze, por janë në krye të shtetit dhe e kanë për obligim ta sqarojnë problemin para qyterarëve. Ia kanë borxh edhe Kroacisë.Në punët e shtetit, nuk i besohet askujt. Vetëm ligjit, i mirë apo i keq qoftë”, tha Mustafa.
Ish-kryetari i Prishtinës, kujtoi kohën kur Vetëvendosje mori pushtetin në Prishtinë dhe e kishin akuzuar për 72 dosjet.
“Kryeministri dhe Presidentja karrierën e tyre nuk e kanë krijuar duke besuar në njerëz, por duke akuzuar njerëz për krim, korrupsion dhe për çdo gjë që u ka rënë ndërmend. Kështu kanë ardhur në pushtet. Jo me fakte të verifikuara nga drejtësia, por me akuza politike. Me plot gënjeshtra. Janë këta të VV-së që më akuzojshin për 72 dosje të Komunës së Prishtinës, pa asnjë argumet. Mos t’ua numroj…”, u shpreh Mustafa për Express të shtunën.
Ai uroi që afera të mos jetë e vërtetë por që nëse dëshmohet e kundërta krerët shtetërorë të Kosovës duhet ta bartin përgjegjësinë.
“Tani duke u nisur nga gënjeshtrat e tyre, mendojnë se do duhej të gënjejnë edhe të tjerët. Unë uroj që kjo aferë të mos jetë e vërtetë. Por nëse dëshmohet, përgjegjësinë do duhet të bartin edhe liderët shtetërorë”, tha ai.
Duke folur për insistimin e opozitës pas skandalit të ambasadorit që të formohet Komisioni Hetimor parlamentar për energjinë, Mustafa tha se shitblerjes së energjisë nga ana e qeverisë nuk i del në krye vetëm një komision parlamentar por duhet të nisin punën institucionet që e kanë për obligim zbatimin e ligjit.
“Ajo çfarë po del në pah nga mediat me shitblerjen e energjisë, mendoj se nuk është punë që i del në krye vetëm një komision parlamentar. Është punë e institucioneve të cilat e kanë për obligim zbatimin e ligjit. Ta bëjnë punën e vet, të mos frikësohen nga trysnia që po ua bënë pushteti. As nga paralajmërimi i taskforcave personale qeveritare si organe paralele të pushtetit karshi institucioneve të drejtësisë”, tha ish-kryetari i LDK-së.
Rasti i ambasadorit Martin Berishaj
Ish-anëtari i kryesisë së Vetëvendosjes që u emërua ambasador i Kosovës në Zagreb vitin e kaluar dyshohet se është implikuar në një skandal të madh financiar për të cilin ka raportuar mediumi slloven Planet Tv.
Ambasadori i Kosovës në Kroaci para se ta merrte këtë post ishte emëruar anëtar i kryesisë së Lëvizjes Vetëvendosje.
Berishaj ka shtetësi sllovene dhe para dekretimit si ambasador në Kroaci atij i është dhënë shtetësia e Kosovës nga presidentja Vjosa Osmani. Berishaj mori detyrën e ambasadorit në dhjetor të vitit të kaluar.
Tani, ambasadori Berishaj po dyshohet se është i përfshirë në një skandal financiar për shpëlarje parash në Slloveni. Sot, në një postim të shkurtë në Facebook, Berishaj i ka mohuar të gjitha akuzat.
Ambasadori i Kosovës në Kroaci dyshohet se ka transferuar rreth 600 mijë euro kesh nga xhirollogaria e tij bankare në Mal të Zi për tek politikani slloven, Robert Golob, kryetar i Partisë së Lirisë.
Paparakisht, mjetet financiare, kompania MB Consulting, në pronësi të Berishajt, i kishte pranuar nga një kompani energjetike serbe, GEN.
Të tjera
-
Musliu-Shoshi: Aleatët e Kosovës e kanë humbur besimin te Qeveria Kurti
Deputetja e Partisë Demokratike të Kosovës, Ariana Musliu-Shoshi ka folur mbi...
-
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini?
Gazetari gjerman i “Frankurter Algemeine Zeitung”, Michael Martens pas vizitë...
-
Osmani për fjalimin e Vuçiqit në KS të OKB-së: Të vërtetën tonë nuk mundet ta sulmojë e as ta mohojë askush, e as Serbia
Presidentja e Kosovës, Vjosa Osmani, është deklaruar rreth reagimit të presid...
-
56 vjeçari gjendet i vdekür në banesën e tij në Fushë Kosovë
Një 56-vjeçar është gjetur pa shenja jete në banesën e tij në rrugën “Dardani...
-
Ambasadori britanik në Beograd: Asociacioni të formohet sa më shpejt që të jetë e mundur
Ambasadori i Mbretërisë së Bashkuar në Serbi, Edward Ferguson, ka thënë të pr...
-
Kurti takohet me deputetë gjermanë në Berlin, flasin për aplikimin e Kosovës në KiE
Në ditën e dytë të qëndrimit të tij në kryeqytetin e Gjermanisë, Kryeministri...
-
FSK zgjedh ushtarin më të mirë për vitin 2024
Forca e Sigurisë së Kosovës ka mbajtur sot ceremoninë e garës ndërkombëtare “...
-
Pas dyshimeve për keqpërdorim, konstituohet komisioni hetimor për subvencionimin e teksteve shkollore
Komisioni hetimor parlamentar për procesin e subvencionimit të teksteve shkol...
-
Projektligji për KPM-në, Deirdre Kevin: Ligjet janë në përputhje me standardet evropiane
Projektligji për Komisionin e Pavarur për Media, u diskutua sërish në Komisio...
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...