Lajme

Muharrem Svarqa kërkon votën edhe ditën e zgjedhjeve

Autori: Gazeta inFokus 08:58 | 14 February 2021

Muharrem Svarqa kërkon votën edhe ditën e zgjedhjeve

Kandidati i Lidhjes Demokratike të Kosovës Muharrem Svarqa ka “bombarduar” me mesazhe qytetarët që në mëngjesin e së dielës duke ua kërkuar votën.

Dhjetra qytetarë kanë raportuar në Gazetën Infokus se kanë pranuar mesazhe nga një numër i identifikuar si i LDK-së me porosi nga ish-kryetari i komunës së Ferizajt, tani kandidat për deputet në Kuvendin e Kosovës, Muharrem Svarqa.

-Advertisement-

“Kërkoj mirëkuptimin tuaj që nuk patëm rastin të takohemi në fushatën që kaluam. Voto për…” thuhet në mesazhin të cilin e ka siguruar Gazeta Infokus.

Ky mesazh del të jetë kundër rregullave të prapara të zgjedhjeve.

Kodi i Mirësjelljes për Subjektet Politike, Mbështetësit e Tyre dhe Kandidatët përcakton më saktësisht se cilat janë veprimet e ndaluara para procesit të votimit.

“Bërja e fushatës në çfarëdo mënyre, shfrytëzimi i megafonëve ose sistemeve tjera për t’iu drejtuar publikut kudo qoftë në Kosovë me qëllim të ndikimit në votues, dhe shfrytëzimi i mediave lokale dhe ndërkombëtare me qëllim të ndikimit në votues”.

Ndërsa, Ligji për Zgjedhjet e Përgjithshme në Republikën e Kosovës parasheh se “subjekteve politike, mbështetësve ose kandidatëve të tyre u ndalohet shpërndarja ose shfaqja në mënyrë tjetër në ndonjërën nga Qendrat e Votimit, ose 100 metra brenda hapësirës së të njëjtës, e çfarëdo lloj materiali me qëllim ndikimi tek votuesit; bërja e fushatës në çfarëdo mënyre”.

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme