Sport

Muçolli: FC Kosova është institucion, synimet janë të mëdha!

Autori: Gazeta inFokus 22:23 | 08 August 2025

Trajneri i junjorëve të FC Kosovës nga Müncheni, Alban Muçolli, beson se edhe sezoni i ri do të jetë i suksesesshëm për skuadrën që ai drejton.

Të rinjtë e FC Kosovës do të garojnë në Kreisligë. Në këtë nivel garash paraqitet edhe ekipi i parë. Synimet janë të mëdha.

“Pas suksesit që e arritëm në sezonin e kaluar ku u shpallëm kampion, synimet janë të mëdha edhe në edicionin e ri. Sigurisht se do të jetë më vështirë, pasi konkurrenca është e madhe dhe ka ekipe cilësore, por ne do ta japim më të mirën. E kemi ruajtur ekipin e sezonit të kaluar dhe kemi ofruar edhe disa lojtarë. Nuk dua të jap fjalë të mëdha, por premtoj punë profesionale dhe suksesi nuk do të mungojë. Ëndrra është Bezirsliga, por e dimë që duhet punë për ta arritur atë”, u shpreh Muçolli për Gazetën Infokus.

-Advertisement-

Ai theksoi se rinia shqiptare në München dhe në mbarë Evropën janë të talentuar.

Sipas tij, FC Kosova është më shumë se sa një klub futbolli.

“FC Kosova është familje e madhe. Është institucion, është më shumë se sa një klub futbolli. Kushdo që vjen, aty e ndin vetën si me qenë në Kosovë. FC Kosova është shtëpia e të gjithë shqiptarëve tash e më shumë se tri dekada. Për këtë kanë punuar shumë njerëz me dekada, punë që po vazhdon edhe sot”, theksoi ai.

Synimet për inkuadrim në Bezirsligë ka edhe ekipi i parë që ka emëruar trajner gjermanin Michael Westermeier.

Krahas ekipit të parë dhe junjorëve, FC Kosova numëron ekipin e dytë dhe të veteranëve.

Është ndër klubet më të suksesshme shqiptare në Gjermani./Gazeta Infokus/