Sport

Mourinho u kërkon lojtarëve të tij ta harrojnë Juventusin

Autori: Gazeta inFokus 17:15 | 27 November 2018

Trajneri portugez i Manchester Unitedit, Jose Mourinho, i ka nxitur lojtarët e tij të harrojnë për ndeshjen mes Juventusit dhe Valencian, dhe në vend të kësaj të përqendrohen në ndeshjen që do ta zhvillojnë ata sonte.

“Djajtë e kuq” pozicionohen në vendin e dytë në Grupin H të Ligës së Kampionëve, dy pikë larg Juventusit, që radhitet në vendin e parë. Ndërsa, skuadra e Mourinhos ka epërsi prej dy pikësh në krahasim me Valencian, në vend të tretë.

Manchester Unitedi do ta presë sonte në orën 21:00 në Old Trafford klubin zviceran, Young Boys. Nëse Juventusi e fiton ndeshjen kundër Valencias, dhe anglezët e fitojnë ndeshjen kundër Young Boys, atëherë të dy klubet do ta sigurojnë vendin e tyre në 1/8 e finales.

-Advertisement-

Megjithatë, portugezi insiston se ai nuk do t’i kushtojë aspak rëndësi ngjarjeve në Torino dhe ka bërë të ditur se të njëjtën gjë e kërkon edhe nga lojtarët e ti.

“Nuk është një ndeshje vendimtare. Nëse nuk fitojmë nesër, ne prapëseprapë nuk varemi nga rezultatet e tjera, ne varemi vetëm nga rezultatet tona. Kështu që nuk është një ndeshje vendimtare”, ka thënë Mourinho.

“Por, unë dua që ne të luajmë qysh nga minuta e parë si të ishte mundësia jonë e fundit për t’u kualifikuar. Unë dua ta harrojmë që kemi edhe një mundësi tjetër, që kemi edhe një ndeshje tjetër për ta luajtur dhe dua që të luajmë sikur të ishin në fazën eliminuese”.

“Le ta harrojmë ndeshjen kundër Valencias, le ta harrojnë se ne varemi nga ndeshja mes Juventusit dhe Valencias për ta ditur nesër nëse jemi te kualifikuar apo jo”.

Subscribe në YouTube: GAZETA INFOKUSI