Lajme

Momenti kur FSK nxjerrë nga rrënojat nënën e vajzës dy vjeçare

Autori: Gazeta inFokus 00:01 | 09 February 2023

Ekipi i Forcës së Sigurisë së Kosovës i cili po gjendet në Turqi ka arritur ta shpëtojë edhe nënën e dy vjeçares e cila u nxjerr nga rrënojat e tërmetit.

E pamjet nga shpëtimi i nënës i ka publikuar ministri i Mbrojtjes, Armend Mehaj, në rrjetin social “Facebook”, ku shihet trupat e FSK-së duke nxjerrë të gjallë nga rrënojat nënën e dy vjeçare.

“Angazhim vetëmohues për të bërë bashkë në jetë nënë e bijë!

-Advertisement-

Krenar me heronjtë e heroinat tona!”, ka shkruar Mehaj.

Kujtojmë se të mërkurën gjatë ditës ekipi i FSK-së ka arritur ta shpëtojë të gjallë një vajzë dy vjeçare nga rrënojat e tërmetit shkatërrues në Turqi.

Ky termet me magnitudë 7.8 shkallësh të Rihterit ka shkatërruar pjesë të gjera të Turqisë dhe Sirisë në orët e para të mëngjesit të së hënës, duke u marrë jetën mijëra njerëzve.

Aktualisht numri i të vdekurve ka arritur mbi 12 mijë./Gazeta Infokus/

Subscribe në YouTube: GAZETA INFOKUSI