Moisiu: Kosova t’i bashkohet “Ballkanit të Hapur”, pasi bën tregti me Serbinë
![](https://gazetainfokus.com/wp-content/uploads/2022/06/17-2.jpg)
Autori: Gazeta inFokus
10:42 | 18 June 2022
Ish-presidenti i Shqipërisë, Alfred Moisiu, kërkon nga Bashkimi Evropian që t’i bëjë presion Serbisë që të njohë Kosovën.
Moisiu, në një intervistë për KosovaPress, deklaroi se pas agresionit rus në Ukrainë dhe mosvendosjen e sanksioneve nga Serbia, Bashkimi Evropian nuk duhet të përkëdhelë Serbinë. Ai kërkon kujdes dhe vigjilencë të Kosovës dhe Shqipërisë edhe për armatosjen e Serbisë nga Rusia dhe Kina.
“(Serbët) e kanë të vështirë këtë (njohjen reciproke), nuk po hy arsyet pse, ata e dinë më mirë. Por ai është maksimumi që ne kërkojmë, prandaj duhet hap pas hapi. Këtë punë Evropa e ka në dorë më shumë se kushdo për të shtrënguar Serbinë dhe mos të përkëdhelin. Pasi e kanë përkëdhelur deri tani, konsideronin se më mirë është me pas këndej Serbinë se nga Rusia”, thotë ai.
Sipas tij, dialogu me Serbinë duhet të vazhdojë për të arritur vetëm një epilog përfundimtar dhe jo për të zvarritur procesin.
“Edhe rusët edhe serbët kanë të njëjtën gjuhë, kjo nuk është e rregullt dhe kjo na shqetëson. Ne i themi fqinjëve tanë, siç kemi jetuar bashkë, do të vazhdojmë të jetojmë, por si komshi. Unë përdor shpesh një fjalë, shokun dhe mikun mund të zgjidhesh, por komshiun ta jep Zoti. E rëndësishme është që të gjejmë mënyrën si të merremi vesh dhe të jetojmë në paqe. Sigurisht kjo nuk është aq e thjesht sa thuhet, por duhet të arrihet. Pasi për të zgjidh problemet, dy rrugë ka, ose me armë, ose bisedojmë. Me armë, lufta këtu është bërë, tani ka ardhur koha të ulet në tavolinë, por me drejtësi, ndershmëri për t’i zgjidhur problemet dhe jo për të zgjatur kohën, këtu duhet edhe Evropa të jetë e kujdesshme”, shton ai.
Ish-kreu i shtetit shqiptar thotë se Serbia është vend autokrat, prandaj duhet kujdes prej çfarëdo veprimi të tyre.
“Ne, Shqipëria dhe Kosova, vërtetë jemi paqësorë, por duhet të mendojmë edhe më të keqen. Armatoset Serbia, por pse armatoset? Pyetja është jo që armatoset mos do të sulmojë, mos e ka në mendje. Ne duhet të jemi të kujdesshëm dhe të marrim masa, edhe Kosova dhe Shqipëria, duhet të jemi më seriozë. Kujt ia merrte mendja se Rusia do të sulmonte Ukrainën, asnjë njeri. Janë vende autokrate, edhe Serbia është vend autokrat, nuk është në peshën e Rusisë, por është”, thekson Moisiu.
Megjithatë, ai shton se Kosova duhet t’i bashkëngjitet iniciativës rajonale “Ballkani Hapur”.
“Amerika dhe Bashkimi Evropian e thanë troç se këtu nuk bëhet fjalë për zgjidhje politike, është çështja te zgjidhja e problemeve ekonomike. Pasi problemet politike do të vazhdojnë në kuadër të Procesit të Berlinit dhe BE-së… ‘Ballkani i Hapur’ ka rol ekonomik, Kosova duhet t’i bashkëngjitet, pasi Kosova bën tregti me Serbinë, pavarësisht se mund të ketë ra, por vazhdon. Duhet të zgjidhen të gjitha problemet, por pikësynimi është se as ju dhe as ne nuk heqim dorë nga pavarësia e Kosovës dhe njohja e reciproke. Pasi s’mundet të vazhdojë kjo në pafundësi në konflikt të ngrirë. Prandaj edhe kancelari gjerman e thekson me të madhe këtë punë”, përfundon Moisiu.
Moisiu ka shërbyer si president i Shqipërisë në vitet 2002-2007. Ai është autor i mjaft shkrimeve, artikujve dhe studimeve të botuara në shtypin shqiptar e të huaj, për problemet e artit ushtarak, të politikës së mbrojtjes, të sigurisë rajonale si dhe për zhvillimet në Kosovë.
![](https://gazetainfokus.com/wp-content/uploads/2024/03/Alan-Greenberg-UNI-NEW-03-e1709546819299-770x4001-1.jpg)
Të tjera
-
A mund të ndalohet përdorimi i TikTok-ut në Kosovë?
Ndonëse në fund të qershorit Qeveria e Kosovës ndaloi përdorimin dhe funksion...
-
BE-ja, e “gatshme për bisedime” me presidentin e ri të Iranit
Bashkimi Evropian (BE) ka thënë se është i gatshëm të përfshihet në bisedime ...
-
Policia ende në kërkim të Faton Hajrizit
Policia e Kosovës është ende në kërkim të burgosurit Faton Hajrizit, i cili a...
-
Ish-ministri Reçica: Kjo qeveri s’ka bërë asnjë punë për mirëqenien e qytetarëve, e shpërbëri edhe MPMS-në
Ish-ministri i Punës dhe Mirëqenies Sociale, Skënder Reçica, ka thënë se qeve...
-
Analistët: Ka një mungesë gatishmërie për zhbllokimin e procesit të bisedimeve Kosovë – Serbi
Përfaqësuesit e Kosovës dhe Serbisë pritet që deri më 18 korrik t’u dërgojnë ...
-
Policia ndalon një veturë në rrugën “B” në Prishtinë, gjen dro gë
Policia ka ndaluar mbrëmë një veturë në rrugën “B” në Prishtinë. Gjatë kon...
-
Vd es e reja nga Prishtina, vuante nga një sëmundje e rèndè
Vlora Aliu Memini vdiq pas një sëmundje të shkurtër Lajmin për vdekjen e Mem...
-
Temperaturat e larta, IHMK: Kujdes kontaktit direkt me rrezet e diellit
Instituti Hidrometeorologjik i Kosovës ka bërë të ditur se sot temperaturat m...
-
Tërmet i fortë “shkund” Greqinë, sa ishte magnituda
Sipas një vlerësimi paraprak nga Instituti Gjeodinamik i Observatorit Kombëta...
-
Kurti takohet me mërgatën dhe përfaqësues të shoqatave shqiptare në Turqi
Kryeministri i Republikës së Kosovës, Albin Kurti, takoi dhe bashkëbisedoi në...
-
Deputeti më i ri në Parlamentin e Britanisë- ja sa vjeçar është
Një 22-vjeçar i zgjedhur si deputet me një shumicë të vogël ka thënë se nuk d...
-
Sfidat e politikës gjermane ndaj Ballkanit Perëndimor
Politika gjermane ndaj Ballkanit Perëndimor po përballet me sfida të reja: pë...