Rozë

Moderatorja e sportit rrëfen fillimet e karrierës : Më tallnin pafund

Autori: Gazeta inFokus 14:14 | 11 April 2022

Moderatorja e njohur e sportit, Lei Kraja, herë pas here tërheq vëmendjen e të gjithëve me postimet që bën në rrjetet sociale apo edhe me deklaratat nëpër intervistat e ndryshme.

Lei së fundmi ka folur për fillimet e karrierës së saj në Shqipëri dhe hyrjen në botën e televizionit. Moderatorja ka zbuluar se e ka pasur të vështirë që të pranonte punën në televizion pasi kishte probleme me gjuhën shqipe.

Kraja shtoi se e ka pranuar ofertën dhe është rikthyer në Shqipëri pasi ka qenë në një periudhë të vështirë në jetën e saj.

-Advertisement-

“Bota e televizionit, ok, më ka pëlqyer por më është dukur e pamundur. Sikur “ç’lidhje kam unë” ose “nuk e arrij dot”. Unë kam qenë modele, ok, jo nga ato top top modele, por fotomodele në Amerikë. Kam qenë edhe te Miss Amerika. Kur më ofronin punë këtu për televizion nuk mendoja që mund ta bëja për shkak të gjuhës. Nuk e dija gjuhën e kisha shumë të vështirë.

Dhe kur arrita këtu, isha në një moment të vështirë edhe thashë pse jo mos ta provoj, isha edhe pa punë. U ktheva në Shqipëri sepse kisha disa oferta edhe thashë ta provoj”, tha ajo për “N’Zoom.”

Pasi nisi punë në televizion, ajo tregoi se i është dashur të punojë shumë, veçanërisht me mësimin e gjuhës. Moderatorja simpatike tregoi se është përballur edhe me shumë kritika dhe tallje edhe nga koleget e saj të punës, të cilat sot i falendëron.

“Mësimi i gjuhës ka qenë shumë i vështirë në fillim. Për shkak se jam edhe shkodrane me origjinë dhe gjuha shkodrane nuk pranohet në televizion. Ishte pikë së pari e vështirë të dalloja gjuhën shkodrane dhe gjuhën letrare. Në fillim talleshin pafund me mua, një gjë shumë normale por ok.

Më bëri disa momente të ndrojtur, dyshoja tek vetja, por nuk dorëzohesha. Thoja ok, rëndësi ka që të mos dorëzohem. Kisha disa kolege në punë që thonin, “Lei nuk bën për televizion.” Vetëm nga ato, domethënë duhet t’i falendëroj, sepse isha në disa momente gati për t’u dorëzuar, sepse nuk e mendoja që ta vazhdoja. Pastaj thashë vetëm për shkak të atyre do ta vazhdoj karrierën, kështu që i falendëroj”, u shpreh Lei Kraja.

Subscribe në YouTube: GAZETA INFOKUSI