Lajme

Miratohet rregullorja për personat me aftësi të kufizuara!

Autori: Gazeta inFokus 10:06 | 26 May 2017

Në mbledhjen e sotme të qeverisë në detyrë është miratuar komisioni për përbërjen, funksionimin, përgjegjësitë e komisionit vlerësues dhe përcaktimin e procedurave për njohjen e statusit dhe të drejtave të personave paraplegjik dhe tetraplegjik.

Qeveria po ashtu miratoi lidhjen e marrëveshjes për për pensionet e të gjithë atyre që kanë punuar me herët në Kroaci.

“Nevoja për negocimin e kësaj marrëveshjeje është një obligim ligjor i dy vendeve, pasi që ka qytetarët të dy vendeve që kanë punuar më herët në këto vende. Andaj rrethanat  kanë ndikuar që këta qytetarë të mos marrin pensionet. Andaj qytetarët që kanë punuar në Kroaci, do e marrin pensionin”, tha ministri në detyrë i Punës dhe Mirëqenies Sociale Arban Abrashi.

-Advertisement-

Në mbledhjen e Qeverisë në detyrë u bë edhe shqyrtimi i projekt-udhëzimit administrativ për mallrat e liruara nga tarifa doganore.

Ministri i Financave, Avdullah Hoti tha se ky udhëzim liron nga tarifa doganore produktet farmaceutike.

Qeveria ka miratuar edhe nismën për t’u anëtarësuar në organizatën ligjore për zhvillim ndërkombëtar- IDLO.

Ministri Hoxhaj tha se gjatë muajve të ardhshme beson se Kosova do të anëtarësohet në këtë organizatë  ndërkombëtare që selinë e ka në Itali./Kallxo

Subscribe në YouTube: GAZETA INFOKUSI
Etiketa:
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme