Ministria e Arsimit Shkencës, Teknologjisë dhe Inovacionit në krye me Arbërie Nagavcin, po mundohet të fshehë që në këtë dikaster nuk ka asnjë të punësuar me aftësi të kufizuar.

Gazeta Infokus ka gati  një muaj që është munduar të marrë të dhënat për numrin e të punësuarve, mirëpo duke qenë se nuk është asnjë, kjo ministri ka vendosur të heshtë dhe të injorojë kërkesat e Infokusit.

Për herë të parë Gazeta Infokus i është drejtuar MASHTI-it përmes e-mailit zyrtar me 24 shkurt për të përcjellë më pas vazhdimisht këtë kërkesë, por që e-mailet e redaksisë injoroheshin nga zyra për informim e këtij dikasteri.

-Advertisement-

Mirëpo Nagavci “u demaskua” nga zyra e kryeministrit, të cilët e konfirmuan për Infokus se kjo ministri le që nuk e plotëson kuotën sipas ligjit “1 në 50 të punësuar” të jenë nga kjo kategori, mirëpo nuk e ka asnjë të punësuar me aftësi të kufizuar.

“Ministria e Arsimit Shkencës dhe Teknologjisë ka raportuar se momentalisht nuk e ka asnjë person te punësuar me aftësi te kufizuar dhe rrjedhimisht e kanë të pa plotësuar kuotën sa i përket Ligjit me Nr. 03/L-019 për Aftësim dhe Riaftësim Profesional dhe Punësimin e Personave me Aftësi te Kufizuara që sipas Nenit 12 paragrafi 2, citoj: ‘’Çdo punëdhënës është i obliguar te punësoj një person me aftësi te kufizuara ne çdo pesëdhjetë (50) punëtorë”, kanë deklaruar për Infokus nga zyra e kryeministrit.

Ndryshe persona të punësuar me aftësi të kufizuar nuk ka as në ministrinë e Ekonomisë në krye me Artane Rizvanollin.

“Aktualisht në numrin e përgjithshëm të të punësuarve të Ministrisë së Ekonomisë, nuk ka të punësuar persona me aftësi të kufizuar. Ministrisë së Ekonomisë ka kërkuar punësimin e një personi me aftësi të kufizuara për pozitë të punës në kuadër të Zyrës së Sekretares së Ministrisë. ME në koordinim me Departamentin për Menaxhimin e Zyrtarëve Publik është në proces të zhvillimit të procedurës së rekrutimit për këtë pozitë”, kanë deklaruar nga kjo ministri për Infokus.

Kujtojmë që Ministria e Financave Punëve dhe Transfereve ka kërkuar nga punëdhënësit që të të punësojnë personat më aftësi të kufizuar, “1 në 50 punëtorë”.

Madje nëse kjo nuk ndodhë dhe institucionet publike dhe private në vend, nuk veprojnë sipas ligjit Ministria e Financave, Punës dhe Transfereve deklaroi se këta punëdhënës do të obligohen të paguajnë kontribute mujore në shumë të pagës minimale.

Gazeta Infokus sot raportoi se ka siguruar të dhënat për secilën ministri se sa është numri i të punësuarve me aftësi të kufizuara duke qenë se të njëjtit po bëjnë thirrje për respektim të ligjit, mirëpo sipas këtyre shifrave ligjin nuk po e respektojnë as vetë.

Nga gjithsej 15 ministri duke përfshirë zyrën e kryeministrit, numri i personave të punësuar me aftësi të kufizuar është 93./Gazeta Infokus/

Ministria e Nagavcit mundohet “ta fshehë” që po thyen ligjin, nuk ka asnjë të punësuar me aftësi të kufizuar

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-