Lajme

Ministri Mehaj pret në takim ish-këshilltarin e Presidentit Thaçi

Autori: Gazeta inFokus 16:50 | 21 April 2022

Ministri i Mbrojtjes, Armend Mehaj, ka pritur në takim ish-këshilltarin e Presidentit Hashim Thaçi, Bislim Zyrapin.

Mehaj ka postuar një fotografi nga takimi me Zyrapin ku tha se në vazhdën e takimeve me autoritete ka pritur në takim ish-shefin e Shtabit të Përgjithshëm të UÇK-së, Bislim Zyrapin, raporton Gazeta Express.

“Interesat nacionale kërkojnë bashkimin e forcave, dijes dhe përvojës së të gjithëve pa dallim. Në vazhdën e takimeve me subjekte e autoritete, sot prita në takim Ish-Shefin e Shtabit të Përgjithshëm të UÇK-së, Bislim Zyrapin”, ka thënë ai.

-Advertisement-

Mehaj tha se me Zyrapin kanë biseduar për situatën e përgjithshme të sigurisë dhe se u pajtuan që për interest nacionale kërkohet bashkim i forcave pa dallim.

“Me z.Zyrapin diskutuam për situatën e përgjithshme të sigurisë në kontekstin e ri gjeopolitik dhe mundësisë së angazhimit të potencialit të nevojshëm institucional dhe shoqëror në menaxhimin e suksesshëm të sfidave në mjedisin vendor dhe rajonal të sigurisë. Të dy ishim të qëndrimit se për interesat nacionale kërkohet bashkimi i energjive, forcave, dijes dhe përvojës së të gjithëve pa dallim”, ka thënë Mehaj.

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme