Lajme

Ministri Latifi nënshkruan Momerandum me USAID, kjo është ndihma 5 vjeçare që do t’i bëhet MSH-së

Autori: Gazeta inFokus 11:43 | 27 July 2022

Ministri i Shëndetësisë, Rifat Latifi ka nënshkruar Memorandumin e Mirëkuptimit më Agjencinë e Shteteve të Bashkuara për Zhvillim Ndërkombëtar (USAID), shkruan Gazeta Infokus.

Kjo është bërë e ditur përmes një postimi nga kjo ministri, e ku thuhet se kjo marrëveshje ka në fokus prokurimin oublik dhe si rezultat i kësaj USAID ka përzgjedhur MSH, si pjesë e projektit për të oftuar përkrahje.

“Ceremonia e lansimit të aktivitetit të USAID-it që u mbajt sot në ambientet e Ambasadës së Shteteve të Bashkuara të Amerikës, shënon prezantimin e përkrahjes pesëvjeçare që USAID do t’i japë Ministrisë së Shëndetësisë së Republikës së Kosovës, aktivitet ky që do të adresojë sfidat e gjata në lidhje me korrupsionin dhe ofrimin e shërbimeve cilësore, duke përmirësuar menaxhimin e financave publike dhe duke përforcuar mekanizmat e llogaridhënies”, thuhet në njoftimin e kësaj ministrie.

-Advertisement-

Po ashtu kanë shktuar se me këtë rast ministri Latifi ka shprehur mirënjohjen e tij të thellë për ndihmën që Shtetet e Bashkuara të Amerikës po fillojnë të i japim për MSH.

“Me këtë rast, Ministri Latifi shprehu mirënjohjen e tij të thellë për ndihmën që Shtetet e Bashkuara të Amerikës po fillojnë ta japin për Ministrinë e Shëndetësisë përmes projektit të USAID, duke nënvizuar se jemi e vetmja Ministri që është përfshirë në këtë projekt, i cili do të kontribuojë në mënyrë esenciale në arritjen e objektivave për avansimin e proceseve të punës në Ministri në përgjithësi, dhe në veçanti për fushat tejet të rëndësishme të prokurimit dhe financave”, thuhet tutje në njoftim./Gazetta Infokus/

Subscribe në YouTube: GAZETA INFOKUSI