Lajme

Ministri britanik i Mbrojtjes: Kërkesa për trupa shtesë në Kosovë erdhi nga komandanti suprem i NATO-s

Autori: Gazeta inFokus 19:11 | 01 October 2023

200 ushtarë shtesë do të dërgohen nga ana e Britanisë së Madhe në Kosovë.

Kjo për shkak të sulmit terrorist që ndodhi të dielën e kaluar në Banjskë të Zveçanit, e ku mbeti i vrarë polici i Kosovës Afrim Bunjaku.

Lidhur me dislokimin e trupave britanike ka folur sekretari i Mbrojtjes Grant Shapps.

-Advertisement-

Ai tha se kërkesa për trupa shtesë në Kosovë erdhi nga komandanti suprem i NATO-s.

“Unë kam autorizuar vendosjen e një force rezervë strategjike të Mbretërisë së Bashkuar me madhësi batalioni në misionin paqeruajtës të NATO-s në Kosovë,” tha Shapps shkruan Mirror,

Shapps tha se këto trupa do t’i bashkohen edhe 400 ushtarëve që gjendet në Kosovë.

Shefi politik i ushtrisë britanike theksoi se ushtarët do të ulin tensionet dhe do të ofrojnë siguri për të gjithë.

“Ato do t’i shtojnë vlerë të jashtëzakonshme misionit paqeruajtës të NATO-s në Kosovë, duke ndihmuar në qetësimin e tensioneve në rritje në rajon dhe duke i mbajtur të gjithë të sigurt”, tha ai.

Subscribe në YouTube: GAZETA INFOKUSI