Lajme

MIN lanson fondin për inovacion dhe ndërmarrësi

Autori: Gazeta inFokus 14:16 | 17 May 2018

Ministria e Inovacionit dhe Ndërmarrësisë ka lansuar programin për financimin e projektet e Organizatave joqeveritare që kontribuojnë në zhvillimin e inovacionit dhe ndërmarrësish, shkruan Infokusi.com.

Në këtë organizim ministri i Inovacionit dhe Ndërmarrësisë, Besim Beqaj i ka ftuar edhe një herë të gjithë OJQ-të të aplikojnë përgjatë afatit të paraparë prej 30 ditësh.

‘Niveli i parë është përkrahje financiare deri në 15 mijë euro, i cili nënkupton OJQ të reja që fokusohen në inovacion, pra nuk do t’i marrin këto mjete për vete, por do t’i marrin për t’i transformuar në njohuri, në dije, i cili mund të ketë ndikim në efekte ekonomike. Niveli i dytë shkon deri në 50 mijë euro dhe ka të bëjë me OJQ-të të cilat kanë përvojë, që kanë regjistër të sukseseve të tyre, dhe normalisht ato kanë edhe kushte specifike, që të kenë pasqyra të audituara financiare, që të kenë njerëz dhe të sjellin argumente që kanë pasur përvojë në këtë lëmi. Niveli i ndërsa niveli i tretë është ai i cili konsiderohet se do t’i vihet në shfrytëzim ekonomisë ndërmarrjeve të vogla përmes programeve trajnuese në fushën e inovacionit dhe ndërmarrësisë. Për nivelin e financimit prej 200 mijë euro janë të ftuara ndërmarrjet që kanë përvojë në trajnime dhe prezantimin e ideve të tyre’, ka thënë ai.

-Advertisement-

Ndërsa zëvendësministri i Ministrisë së Financave, Fatmir Gashi tha se shumë shpejtë do të nënshkruhet një marrëveshje financiare me Bankën Botërorë për rritjen e ekomonisë digjitale në Kosovë.

“Në muajin qershor të vitit 2018 do të nënshkruajmë marrëveshjen financiare me Bankën Botërore për projektin e digjitalizimit të ekonomisë kosovare, i cili do të përkrahë qytetarët të cilët do të përfitojnë mundësitë e ekonomisë digjitale, rajonale dhe globale, veçanërisht në rigjenerimin e të hyrave, hulumtim dhe arsimin, duke nxitur kështu rritjen e ekonomisë digjitale në Kosovë”, tha Gashi./INFOKUSI