Lajme

Mimoza në një “shtëpi” me Hykmetën

Autori: Gazeta inFokus 13:27 | 17 May 2017

Alternativa e Mimoza Kusarit iu ka bashkuar në koalicion parazgjedhor Lidhjes Demokratike të Kosovës. Mirëpo, Mimoza Kusari dikur ministre e Tregtisë dhe Industrisë kishte akuzuar Hykmete Bajramin e LDK-së gjatë kohës kur kjo e fundit ishte në krye të këtij posti.

Kusari kishte drejtuar akuza të shumta ndaj Bajramit duke e quajtur të papjekur politikisht dhe kritikuar për qeverisjen në Ministrinë e Tregtisë.

Bajrami i kishte reaguar Kusarit duke ia numëruar shkeljet që ajo kishte bërë gjatë mandatit të saj.

-Advertisement-

Mes tjerash Bajrami i kishte thënë Kusarit se është shumë e aftë që të bëjë reklamim madje të shes edhe “kalin e ngordhur”.

“Zonja Kusari, unë e pranoj se ne politike jam shume me vone se ju, nuk ju afrohem me aftësinë qe keni për të berë PR – keni aftësi ta shisni kalin e ngordhur thotë populli, as për te zëne miqësi me ndërkombëtaret nuk mund te ju vij afër POR kur jemi te lufta kundër korrupsionit – këtë beteje me mua gjithmonë do ta keshe të humbur”, thoshte Bajrami.

E, Kryetarja e Alternativës Mimoza Kusari- Lila,  pas nënshkrimit të koalcioit ka thënë se bashkëpunimin me LDK-në e kanë vendosur për shkak të pajtueshmërisë në program për ekonomi dhe drejtësi.

“Është koalicion i parimeve. Besojmë në një reformë të mirëfilltë të drejtësisë”, ka thënë ajo.

Në anën tjetër, kryeministri në largim Isa Mustafa ka thënë se është kënaqësi e veçantë bashkëpunimi me Alternativën.

“Më vjen mirë që ndajmë preokupimet dhe aspiratat e përbashkëta. Që po krijojmë një qeveri për të ardhmen dhe jam i gëzuar që edhe Avdullah Hoti do të jetë pjesë dhe besojmë që të jemi në krye të Qeverisë. Është zotim i yni që ti dalim ballë sfidave edhe si Alternativë edhe si LDK”, ka thënë Mustafa./Gazeta Fjala/.

 

 

Subscribe në YouTube: GAZETA INFOKUSI
Etiketa:
A prishet cilësia e gjumit nëse pini kafe në mbrëmje?
-Advertisement-

Të tjera

Fokusi

lajme