Sport

Milani në gjysmëfinale të Ligës së Kampionëve, mposhtë Napolin

Autori: Gazeta inFokus 23:10 | 18 April 2023

Milani është kualifikuar për në gjysmëfinale të Ligës së Kampionëve për herë të parë që prej vitit 2007, në vitin kur edhe ishte shpallur kampion i Evropës.

Skuadra e drejtuar nga Stefano Pioli e eliminoi sonte Napolin në çerekfinale të kësaj gare.

Ndeshja e zhvilluar në stadiumin “Diego Armando Maradona” përfundoi me rezultatin 1:1.

-Advertisement-

Por, kampioni në fuqi i Italisë kalon tutje me rezultatin e përgjithshëm 1:2, falë fitores minimale që kishte arritur në “San Siro”.

Për “Rossonerët” goli u shënuar nga Olivier Giroud (43’). Sulmuesi francez kishte rast të mirë shënimi edhe në minutën e 22-të, por nuk ia doli të shënonte nga penalltia. Goditja e tij u prit nga Alex Meret.

Një penallti e humbën edhe napolitanët në pjesën e dytë, saktësisht në minutën e 81-të. Goditja e Khvicha Kvaratskhelia u prit nga Mike Maigna.

Vendasit ia dolën të barazonin rezultatin në fundin e ndeshjes përmes Victor Osimhen (90+3’), por që nuk ishte i mjaftueshëm.

Milani në gjysmëfinale të Ligës së Kampionëve do të takohet me fituesin nga përballja mes Interit dhe Benficas.

Ndeshja e parë çerekfinale mes këtyre dy skuadrave u fitua nga “Nerazzurrët” me rezultatin 2:0. Ndeshja e dytë do të zhvillohet nesër mbrëma.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

sport