Sport

Milan – Inter, takim me rëndësi speciale në San Siro

Autori: Gazeta inFokus 13:11 | 26 December 2017
Një ndeshje e vetme, e cila do të lëjë një skuadër të eliminuar në fushën e lojës.

Ndoshta nuk ka magjinë e zakonshme, megjithatë sfida ndërmjet Milanit dhe Interit në San Siro mbetet një derbi.

Dy skuadrat e Milanos kërkojnë të ringrihen në Kupën e Italisë, në një duel që vjen në momentin e tyre më të vështirë të sezonit. 90 minutat e kësaj të mërkure në çerekfinalet e turneut do të shërbejnë për ta mbyllur vitin me një sukses.

Një ndeshje e vetme, e cila do të lëjë një skuadër të eliminuar në fushën e lojës.

-Advertisement-

Për skuadrën që ndërmjet Milanit dhe Interit do të humbasë, zhgënjimi do të jetë i madh, pavarësisht vlerësimit që drejtuesit, trajnerët dhe tifozët i japin trofeut të Kupës.

Ndeshja është e ngarkuar emocionalisht dhe psikologjikisht edhe prej ecurisë së skuadrave në dy javët e fundit, ku si “Djalli” ashtu edhe zikaltërit nuk kanë arritur të grumbullojnë asnjë pikë nga 12 të mundshme që kishin së bashku në dispozicion, transmeton “Albeu.com”.

Pasi e nisën sezonin me objektivin e deklaruar që të riktheheshin mes katër ekipeve të para në Serinë A, Milani dhe Interi mund të gjejnë pak ngushëllim te Kupa e Italisë.

Kuqezinjtë kanë pësuar 8 humbje në 18 ndeshje të kampionatit, disfatat nuk kanë qenë asnjëherë në këto kuota prej sezonit 1981-’82, atë të rënies në Serinë B.

Për të ndryshuar sezonin në derbi, Gattuso pritet të konfirmojë rreshtimin 4-3-3 të javëve të fundit dhe do të ketë në dispozicion Suson, një prej elementëve më të rëndësishëm të skuadrës.

Spanjolli do të kthehet në sulm ku pritet të ketë përkrah Borinin dhe njërin ndërmjet Kalinic ose André Silva. Nëse kaq do ti mjaftojë Milanitpër të dalë nga tuneli, këtë do ta tregojë vetëm fusha.

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

sport