Gazetari, Milaim Zeka, ka folur në lidhje me draft-statutin e prezantuar nga kryeministri i Sshqipërisë, Edi Rama.

Zeka këtë të kryeministrit të Shqipërisë e sheh si diçka shumë pozitive.

“Prezantimi i një draft-statuti për Kosovën nga Edi Rama unë e kam parë si diçka shumë pozitive dhe s’ka këtu asgjë të keqe. Krejt kjo “yndyra” serbo-file dhe projugosllave kanë ndiku negativisht ndaj mbrojtjes që po ua bën kryeministri i Shqipërisë pjesës tjetër të kombit” tha Zeka për Blic.

I pytur nëse Rama ka qenë në koordinim me kryeministrin Kurti për propozimin e këtij drafti, Zeka u përgjigj kështu.

“Në koordinim me zotin Kurti nuk është as zoti, jo më Edi Rama. Ky nuk koordinohet me amerikanë dhe evropianë dhe jo më me Edi Ramën. Ky s’ka koordinim me asnjë njeri as të gjallë e as të vdekur, prandaj e ka fundos Kosovën këtu ku e ka fundos” tha ai.

Kryeministri i Shqipërisë, Edi Rama, ka deklaruar se i kanë propozouar Gjermanisë dhe Francës një draft të Asociacionit për Republikën e Kosovës.

Ai ka konfirmuar se ua ka dërguar draftin presidentit Macron dhe kancelarit Scholz dhe se e ka vënë në dijeni edhe Presidentin e Këshillit Evropian, Charles Michel dhe palën amerikane.

“Rama thotë se e ka marrë këtë iniciativë duke e ditur se do të vinin gjërat në pikën kur Kosova dhe Serbia s’do të merren vesh. Ai thotë se drafti është në pajtim me gjithë rekomandimet e Gjykatës Kushtetutese të Kosovës.“Dje i kam përcjellë presidentit Macron dhe Scholz një draft të Asociaoinit për të cilin kam vënë në dijeni edhe Charls Micheln dhe palën amerikane. Është një draft punuar nga ekspert të nivelit më të lartë amerikanë dhe evropianë prej kohësh. Gjë që është bërë pikërisht në rast se do të vinte kjo ditë.Kjo ditë kur palët dhe në këtë rast, për mua i pakutpueshëm është pozicioni i Kosovës dhe jo i Serbisë. Palët nuk po mërren dot vesh se as kush duhet ta shkruaj këtë tekst, e jo më se cfarë do të ketë teksti. Është dokument konfidencial që s’pretendon të jetë zgjidhja ideale por është një dokument i nivelit më të lartë që merr në konsideratë se Asociacioni është pjesë e organizimit të jetës në Republikën e Kosovës duke adresuar të gjithë rekomandimet e Gjykatës Kushtetuese të Kosovës. Uroj që ky material do të vlej për të cuar në një nivel tjetër dialogun dhe për t’I bërë palët që të flain për gjëra konkrete”, ka deklaruar Rama.

Oferta speciale deri në 70% dhe ekstra zbritje në dyshekët Comodita

Sponsoruar