Lajme

Meta: Anëtarësimi i Kosovës në OKB dhe organizata të tjera do i sillte përfitime mbarë bashkësisë ndërkombëtare

Autori: Gazeta inFokus 19:56 | 24 October 2020

Presidenti i Shqipërisë, Ilir Meta, ka deklaruar se Kosova është faktor i rëndësishëm i sigurisë dhe stabilitetit në rajon.

Meta, përmes një postimi në “Facebook”, me rastin e 75 vjetorit të themelimit të OKB-së, theksoi se në rast të anëtarësimit të Kosovës në të gjitha organizatat ndërkombëtare, e gjithë bashkësia ndërkombëtare do të përfitonte nga kjo.

“Shqipëria beson fort se Republika e Kosovës është faktor i rëndësishëm i sigurisë dhe stabilitetit në rajon dhe anëtarësimi i saj në të gjitha organizatat ndërkombëtare, përfshirë këtu Kombet e Bashkuara, do të sillte përfitime jo vetëm për Kosovën, por edhe për mbarë bashkësinë ndërkombëtare”, thuhet në postimin e presidentit të Shqipërisë.

-Advertisement-

Meta, në 75 vjetorin e themelimit të OKB-së, ka shprehur mirënjohje për mbështetjen e vazhdueshme që Shqipëria ka marrë nga kjo organizatë për 65 vjet me radhë, nga anëtarësimi i saj.

“Në këtë 75-vjetor të Organizatës sonë, shprehim mirënjohjen e thellë për mbështetjen e vazhdueshme që kemi marrë nga OKB, që provoi edhe në këtë vit fatkeqësish natyrore për vendin tonë, se ishte një partnere e vërtetë, veçanërisht me ndihmën e dhënë për tejkalimin e pasojave të tërmetit tragjik dhe përballimit të COVID-19.

Lidhur me përvjetorin e themelimit të OKB-së ka reaguar edhe presidenti i Kosovës, Hashim Thaçi, i cili nëpërmjet një postimi në llogarinë e tij në ‘Twitter’ ka thënë se tani është koha që Kosova të anëtarësohet në organizatën ndërkombëtare.

“Roli i OKB-së në ndërtimin e paqes dhe stabilitetit në botë mbetet tejët i rëdnsishëm. Sot, kur njerëzimi përballet me sfida të reja është e rëndësishme që ne të qëndrojmë të bashkuar në ruajtjen e një të ardhme të sigurt të vendeve tona. Tani është koha që # Kosova të bëhet anëtare e KB”, ka deklaruar i pari i Kosovës sot.

The role of the @UN in building peace & stability in the world remains important. Today, when humanity faces novel challenges it is crucial that we remain united in preserving a secure future of our countries. It is time, now, for #Kosovo to become a member of the UN. #UNDay

— Hashim Thaçi (@HashimThaciRKS) October 24, 2020