Sport

Messi: Nëse nuk e fitojmë Kupën e Botës duhet të zhdukemi

Autori: Gazeta inFokus 11:27 | 07 December 2017

Kombëtares së Argjentinës nuk do t’i lejohet një tjetër shans i humbur në Kupën e Botës ‘Russia 2018’. Një gjë të tillë e thotë ylli i kësaj kombëtareje, Lionel Messi.

Leo mendon se ai dhe të gjithë bashkëlojtarët e tij te Kombëtarja e Argjentinës duhet të zhduken nëse dështojnë ta shfrytëzojnë, siç thotë ai, rastin e fundit për ta fituar Kupën e Botës në Rusi. Argjentina nuk e ka fituar asnjë trofe ndërkombëtar që prej Kupës së Amerikës në vitin 1993, me pesë herë fituesin e ‘Topit të Artë’, Messin, i cili ka marrë kritika të vazhdueshme që po dështon ta frymëzojë skuadrën për ta çuar deri te ky trofe i çmuar.

“Njerëzit po presin që ky grup të largohet sepse nuk ka fituar për një kohë të gjatë dhe ata që kritikojnë lodhen duke i parë gjithmonë të njëjtat fytyra”, ka thënë Messi për TyC Sports.

-Advertisement-

“Mendoj se kjo është mundësia e fundit për këtë grup. Ka shumë emocion. Nëse bëjmë një turne të keq, i tërë ekipi kombëtar duhet të zhduket. Do të jetë shumë e vështirë për të gjithë që të vazhdojnë sepse tashmë kemi qenë pjesë e kombëtares për shumë vite”, ka shtuar Messi.

Subscribe në YouTube: GAZETA INFOKUSI