Lajme

Memli Krasniqi: Kryeministër gjej zgjidhje, mësimdhënësit s’po kërkojnë pazare e as lëmoshë, por dinjitet

Autori: Gazeta inFokus 12:10 | 19 September 2022

Kreu i PDK-së, Memli Krasniqi, ka kërkuar nga kryeministri Albin Kurti që për hir të fëmijëve të gjej zgjidhje për grevën në arsim.

Ai përmes një postimi në Facebook ka shkruar se refuzimi i Qeverisë për dialog po vazhdon t’i dëmtojë të gjithë, e më së shumti nxënësit.

Krasniqi thotë se mësimdhënësit nuk po kërkojnë pazare e as lëmoshë – por, vetëm dinjitet.

-Advertisement-

Postimi i tij:

Mbi 300 mijë nxënës po vazhdojnë të qëndrojnë në shtëpi edhe sot, e do të duhej të ishin në shkollë qe gati tri javë. Refuzimi i Qeverisë për dialog po vazhdon t’i dëmtojë të gjithë, e më së shumti nxënësit.

Nga 1 shtatori, jeta e prindërve dhe mësimdhënësve është vështirësuar edhe më tej. Kjo bllokadë, që po ndodhë si pasojë e kokëfortësisë së Qeverisë, kërkon zgjidhje urgjente.

Mësimdhënësit nuk po kërkojnë pazare e as lëmoshë – por, vetëm dinjitet! Dinjiteti është boshti i veprimtarisë së tyre historike dhe qeveria nuk duhet t’ua mohojë këtë vlerë. Janë po këta njerëz që edhe në periudha më të vështira kanë ruajtur dinjitetin tonë njerëzor e kombëtar. Duhet t’i mirëkuptojmë, sepse janë prindërit tonë të dytë.

Kryeministër, për hir të fëmijëve, gjej zgjidhje!

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme