Lajme

Mehaj fton të rinjtë të aplikojnë për pjesëtarë të operacioneve Speciale të FSK-së

Autori: Gazeta inFokus 14:29 | 15 February 2023

Ministri i Mbrojtjes, Armend Mehaj, ka njoftuar se gjatë muajit shkurt operacionet Speciale të FSK-së do të zhvillojnë procesin selektues i cili përzgjedh vajzat e djemtë e FSK që dëshirojnë të bëhen operatorë të së ardhmes.

Mehaj thotë se në këtë mund të marrin pjesë të gjithë ushtarakët nga grada ushtar deri në gradën toger.

“Pas këtij procesi, ushtarakët e përzgjedhur kanë mundësinë të vazhdojnë Kursin Bazë të Forcave Speciale në Republikën e Shqipërisë. Tregoni potencialin tuaj dhe bëhuni pjesë e Operacioneve Speciale të FSK-së”, ka shkruar Mehaj.

-Advertisement-

Mehaj thotë se këta kandidatë, duhet të jenë të motivuar dhe të kenë aftësi të menaxhojnë situatat me presion të lartë.

Tutje, ai ka thënë se pjesëtarët e përzgjedhur do të kenë mundësinë për trajnime në fusha të ndryshme me partnerët tanë lokal dhe ndërkombëtar duke shkëmbyer përvoja dhe shkathtësi në mënyrë që vendi ynë të gëzojë paqe dhe stabilitet të qëndrueshëm.

“Zhvillimi i karrierës suaj është në dorën tuaj. Shërbeni paqes dhe stabilitetit brenda dhe jashtë vendit në mënyrë profesionale krah për krah me njësinë tjera elitare të FSK-së”, shtoi Mehaj.

Subscribe në YouTube: GAZETA INFOKUSI
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme