Rozë

Megi Pojani dhe futbollisti shqiptar po shijojnë pushimet në Afrikë

Autori: Gazeta inFokus 09:47 | 26 June 2022

Provokuese, sensuale, dhe mjaft pikante me komentet e saj, tani po shohim një tjetër Megi. Një Megi romantike që shijon pushimet ekzotike me të dashurin e saj.

Së fundmi, Megi ka fluturuar drejt ishujve të Afrikës Lindore duke kaluar disa ditë relaksi dhe duket se nuk është vetëm. Në postimet e fundit në “Instagram”-in e saj, bukuroshja shihet se ka kaluar një darkë mjaft të këndshme.

Mirëpo, ajo çka ra më së shumti në sy ishin edhe postimet e futbollistit të njohur të kombëtares, Endri Çekiçi.

-Advertisement-

Në fotot e publikuara duket qartë që dyshja ndodhen së bashku pasi ambienti dhe tavolina në imazhet e tyre janë identike.

Çekiçi aktualisht luan për Konyaspor në Turqi dhe mund ta radhisim te futbollistët që jo shumë shpesh i shikojmë në faqet e mediave rozë. Megjithatë, Endri ia ka dalë që t’i rrëmbejë zemrën vajzës seksi të ekraneve tona.

Nga ato çfarë mundëm të mësojmë për këtë çift, është fakti se dy të rinjtë kanë vetëm pak kohë që njihen dhe ky është udhëtimi i tyre i parë si çift. Megi dhe futbollisti kanë zgjedhur pikërisht destinacionin e largët për të festuar këtë raport të ri që kanë nisur.

Ndonëse në distancë, lidhja mes tyre duket se i kaloi sfidat e fillimit, duke çuar në një verë të nxehtë që me gjasa do të vijojë edhe në muajt e tjerë. Nëse bëjmë një kërkim të thjeshtë në internet, do të shikojmë që Endri është më i vogël në moshë se Megi.

Aktorja është dy vite më e madhe se futbollisti i Kombëtares. Me sa duket, edhe në këtë rast vlen shprehja që “dashuria nuk njeh moshë”/Panorama.al

Subscribe në YouTube: GAZETA INFOKUSI