Lajme

Shtëpia e Bardhë ndërpret grantet dhe huatë – urdhri i radhës i presidentit

Autori: Gazeta inFokus 15:00 | 28 Janar 2025

Presidenti i SHBA-së Donald Trump ka ndërprerë grantet, huatë dhe asistencat e tjera federale, sipas një memorandumi të qeverisë.

Në memorandum, ushtruesi i detyrës së kreut të Zyrës së Menaxhimit dhe Buxhetit (OMB) u bën thirrje agjencive qeveritare që të sigurohen që shpenzimet të jenë në përputhje me prioritetet e Trumpit.

Ndikimi i plotë i pauzës nuk është ende i qartë, megjithëse memorandumi specifikon se përfitimet e Medicaid dhe sigurimeve shoqërore nuk preken.

-Advertisement-

Bëhet e ditur se lëvizja vjen disa ditë pasi SHBA-ja ndaloi pothuajse të gjithë ndihmën e huaj, shkruan BBC.

Masa është kritikuar nga anëtarët e Partisë Demokratike rivale dhe mund të përballet me sfida ligjore.

Ndërsa memorandumi, i nënshkruar nga ushtruesi i detyrës së shefit të OMB, Matthew Vaeth, u bën thirrje agjencive qeveritare që të ndalojnë përkohësisht programet e tyre të ndihmës financiare, në mënyrë që të mund të rishikojnë shpenzimet që mund të ndikohen nga urdhrat e ndryshëm që ka nënshkruar Trumpi.

Kjo përfshin “ndihmën financiare për të huaj, organizata joqeveritare, DEI, ideologjinë gjinore dhe marrëveshjen e re të gjelbër”, përcjell Telegrafi.

Më tej, memorandumi kërkon që të gjitha agjencitë të raportojnë se cilat programe janë ndërprerë deri më 10 shkurt.

Ndryshe, Shtëpia e Bardhë nuk ka komentuar ende zyrtarisht për dokumentin e zbuluar.

SHBA është donatori më i madh ndërkombëtar i ndihmës në botë, pasi ka shpenzuar 68 miliardë dollarë në 2023 sipas shifrave të qeverisë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy