Sport

Mediet në Zvicër: Kosova na vodhi një lojtar të talentuar

Autori: Gazeta inFokus 17:04 | 03 November 2020

Betim Fazliji është futbollisti i radhës i cili ka vendosur që ta përfaqësojë Kosovën në arenën ndërkombëtare.

Mediet në Zvicër kanë reaguar në lidhje me vendimin që Fazliji të aktivizohet për Kosovën.

Përzgjedhësi i Kosovës, zvicerani Bernard Challandes, sot e ka shpallur listën e futbollistëve të ftuar për tri ndeshjet e radhës në muajin nëntor, kurse Fazliji ishte një nga befasitë e kësaj liste.

-Advertisement-

Gazeta më e madhe zvicerane, Blick ka shkruar se Kosova “ua vodhi” një lojtar shumë të talentuar.

Image

Fazliji luan në Zvicër te skuadra St. Gallen.

Ai më parë ka qenë pjesë e grupmoshave të Zvicrës U-21 me të cilën është paraqitur në dy ndeshje.

Betim Fazliji është 21-vjeçar dhe aktivizohet si mesfushor defanziv dhe mund të aktivizohet edhe si mbrojtës.

Falziji është i lindur në Luginën e Preshevës dhe vjen nga fshati Tërrnoc. Karrierën e ka nisur në futbollin zviceran.

Në qershor të vitit 2019, Fazliji e ka nënshkruar kontratën e parë profesionale, ndërsa ka debutuar në korrik të vitit 2019 me klubin e tij St Gallen.

Këtë sezon ai i ka zhvilluar të gjitha ndeshjet me ekipin e parë (gjashtë), ku ka shënuar edhe një gol.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera

Fokusi

sport