Me vendim të Gjykatës Themelore në Prishtinë, Enver Sekiraqa është dënuar me 25 vite burgim për nxitje të vrasjes së Triumf Rizës.

Babai i viktimës, Shefqet Riza, pas përfundimit të seancës ka thënë për Infokus se nuk ëstë i kënaqur me vendimin derisa ka deklaruar se nuk ka më besim në drejtësi.

“Po me të thanë të vërtetën s’po di cka me të thanë, kurrfarë vendimi s’është ky. Është një gjykim që ka zgjatë ma së shumti në historinë e gjykatave të Kosovës. 17 vjet edhe unë nuk po e kuptoj si është e mundur në këtë shoqërinë tonë më të vlefshëm me qenë kriminelët se sa një polic që është në mbrojtje të ligjit dhe të shtetit. Edhe një polic që është i shpallur hero pikërisht për luftën kundër bandave kirminale”, ka thënë ai.

Babai i Triumf Rizës ka deklaruar se shteti po i bën më të vlefshëm kriminelët se sa policët që e luftojnë krimin.

“Natyrisht se është dënim i ulët se ky është vrasës kryesor nuk janë të tjerët, të tjerët ky i ka nxit. I thashë Hitleri s’ka vra askënd por ai i ka nxit të tjerët të kryejnë krime kundër njerëzimit. Ky është fajtori kryesor. Ka qenë dashtë që ky ta marrë gjykimin e merituar. Po cka me ba kesi gjykata kemi na, s;kemi tjera. Për këtë shtet kemi luftu… Për së treti herë po vjen tu iu zvogëlu dënimi. Nuk kam besim hiq ma se Gjykata e Apelit i ka krijuar të gjitha problemet tu e kthy për kurgjo hiq”, ka thënë Shefqet Riza për Infokus.

Dënimin Sekiraqës i është shqiptuar sot në Gjykatën Themelore të Prishtinës, shkruan Gazeta Infokus.

Kjo është hera e tretë që Enver Sekiraqa dënohet për veprën e njëjtë penale.

Ai nuk e ka pranuar asnjëherë fajësinë.

Për kryerjen e kësaj vrasje, me 35 vite burgim është dënuar Arben Berisha.

Berisha ka qenë një prej dëshmitarëve në këtë proces gjyqësor. Nën betim, ai ka deklaruar se Enver Sekiraqa nuk e ka nxitur atë që ta vras Triumf Rizën. Vrasjen, ai ka theksuar se e kreu për shkak të disa problemeve personale që i kishte me tashmë të ndjerin.

Vrasja kishte ndodhur në vitin 2007.

Sipas aktakuzës së Prokurorisë Speciale, incidentit tragjik i parapriu një përleshje që kishte ndodhir në “Sëiss Casino”, pak kohë para ditës kritike.

Incidenti në “Sëiss Casino”, kishte ndodhur në dhjetorin e vitit 2006, ndërsa në të ishin të përfshirë Enver Sekiraqa dhe disa shoqërues të tij në njërën anë, dhe i ndjeri Triumf Riza e Arben Selmani në anën tjetër. Në këtë incident i plagosur rëndë kishte mbetur Arben Selmani./Gazeta Infokus/

Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…

Sponsoruar