Lajme

Mbyllet Fondi për izolim të shtëpive, pranohen mbi 2 mijë aplikime

Autori: Gazeta inFokus 13:34 | 20 August 2023

Fondi i Kosovës për Efiçiencë të Energjisë ka njoftuar se është mbyllur aplikimi për thirrjen publike “Zbatimi i Masave të Efiçiencës së Energjisë për Shtëpitë Individuale të Banimit”

Sipas këtij fondi, mbyllja e parakohshme është rezultat i pranimit të mbi 2 mijë aplikimeve “të cilat përmbushin buxhetin e destinuar për subvencionim të masave, izolim të mureve, kulmit dhe ndërrim të dyerve e dritareve të jashtme, deri në 45% të shumës (5% bonus për shtëpitë që janë pronë e gruas ose bashkëpronësi e çiftit) duke mos kaluar kufirin maksimal 5500 euro”, thuhet në njoftim, transmeton Klankosova.tv.

Tutje, bëhet e ditur se aplikacionet kanë filluar të shqyrtohen sipas radhës së arritjes së tyre,dhe se tashmë janë dorëzuar edhe letrat e para të para-aprovimit.

-Advertisement-

“Të gjithë ata që pranojnë këtë dokument, duhet të ndjekin edhe më tutje rregullat e parapara në thirrjen publike (Thirrja Publike) deri në përfundim të procesit kur edhe marrin paratë”, thuhet në njoftim.

Subscribe në YouTube: GAZETA INFOKUSI
BKT Kosova vlerësohet për herë të katërt "Banka e Vitit 2024 në Kosovë" nga The Banker
-Advertisement-

Të tjera

Fokusi

lajme