Lajme

Mbrojtësi i viktimave: Shqiptarët s’folën, por kjo nuk funksionoi, frikësohen nga hakmarrja

Autori: Gazeta inFokus 16:51 | 03 April 2023

Mbrojtësi i viktimave, Simon Laws, tha në fillimin e gjykimit ndaj ish-krerëve të UÇK-së se procesi gjyqësor duhet ta zbulojë të vërtetën.

Për shumicën e atyre që janë paraqitur si viktima të Hashim Thaçit, Kadri Veselit, Rexhep Selimit e Jakup Krasniqit, Laws tha se nisja e gjykimit ishte diçka e paimagjinueshme.

Ai tha se viktimat shqiptare kanë pranuar që “të turpëroheshin dhe të mos flisnin”, por sipas tij, kjo nuk ka funksionuar.

-Advertisement-

“Çmimi që u desh të paguanin ishte jeta në mërgim”, tha ndër tjerash Laws.

Mbrojtësi i viktimave pati disa fjalë edhe për katër të akuzuarit.

“Ata ishin persona të fortë. Në qoftë se ata kanë qenë duke i bërë këto krime, me siguri nuk kanë imagjinuar që do të vinte një ditë si kjo e sotmja”, tha ai.

Laws tha se disa prej atyre që janë paraqitur si viktima “janë etiketuar si tradhtarë”.

“Etiketimet të vrasin. Disa prej tyre janë të frikësuar për hakmarrje”, theksoi ai.

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme