“Mbreti i kriptovalutave” dënohet me katër muaj burgim për posedim të pasaportës false
Autori: Gazeta inFokus 16:13 | 19 June 2023
I ashtuquajturi “mbreti i kriptovalutave”, Hyeong Do Kwon, dhe partneri i tij biznesor, Hon Chang Joon, janë dënuar secili nga Gjykata Themelore në Podgoricë, me nga katër muaj burgim, për falsifikim të dokumenteve të udhëtimit.
Ata do të jenë në mbajtje, pasi Koreja Jugore dhe Shtetet e Bashkuara janë duke kërkuar ekstradimin e tyre, për shkak të mashtrimeve me kriptovaluta në vlerë të dhjetëra miliarda eurove.
Ata janë arrestuar më 23 mars në aeroportin e Podgoricës, prej ku kanë tentuar të nisen me aeroplan privat për në Dubai, me pasaporta të paligjshme.
Ata kanë qenë duke përdorur pasaporta të Kosta Rikës, ndërsa përgjatë kërkimeve, atyre u janë gjetur edhe dokumente të Koresë Jugore dhe Belgjikës.
Në seancën dëgjimore, Hyeong Do Kwon dhe Hon Chang Joon, kanë thënë se kanë aplikuar për pasaporta të Kosta Rikës në Singapor, përmes një agjencie atje, dhe më pas janë pajisur me to, pas përfundimit të procedurës.
Ata kanë thënë se janë të bindur që pasaportat janë ligjore, ndonëse më vonë e kanë pranuar një njoftim të Agjencisë Ndërkombëtare Policore (INTERPOL) se dokumentet e tyre të udhëtimit janë të paligjshme.
Arrestimi i Do Kwon-it ka marrë vëmendje botërore, sepse ai është një prej personave më të kërkuar, lidhur me mashtrimet që dyshohen të jenë kryer përmes kriptovalutave.
Mbajtja e tij në Podgoricë i ka trazuar edhe ujërat politike, pasi ai i ka dërguar një letër kryeministrit me mandat teknik në Mal të Zi, Dritan Abazoviqit, në të cilën ka thënë se e njeh Millojko Spajiqin, liderin e Lëvizjes Evropa Tani.
Spajiq është kandidat për mandatin e ardhshëm qeveritar në Mal të Zi.
Gjithçka ka ndodhur para zgjedhjeve parlamentare, që janë mbajtur më 11 qershor në këtë shtet.
Para procesit zgjedhor, Abazoviq dhe kolegët e tij partiakë, kanë pasur dyshime se Lëvizja e Spajiqit mund të jetë financuar ilegalisht nga komuniteti që merret me kriptovaluta.
Më pas, për shkak të letrës së Do Kwon-it, është organizuar një mbledhje e jashtëzakonshme e Këshillit për Siguri Kombëtare.
Spajiq i ka hedhur poshtë dyshimet e Abazoviqit dhe e ka akuzuar atë për abuzim me institucione, si dhe ka deklaruar se nuk do të diskutojë me partinë e Abazoviqit për formim të koalicionit qeveritar.
Zyra e Prokurorit e ka marrë më pas në pyetje Do Kwon-in, për letrën në të cilën është përmendur Spajiq, mirëpo jugkoreani ka mohuar të ketë financuar ndonjë parti në Mal të Zi, përfshirë atë të Spajiqit. (Rel)
Të tjera
-
“Serbia po armatoset”, ambasadori Hill: Ja pse i bleu tani avionët
Ambasadori i Shteteve të Bashkuara të Amerikës në Beograd, Christopher Hill s...
-
“Ngjarja në Banjskë gozhda e fundit në dialogun e Brukselit”, Konjufca s’sheh rrugëdalje në bisedime mes Kosovës dhe Serbisë
Kryetari i Kuvendit, Glauk Konjuca, pas mbledhjes së Kryesisë, është deklarua...
-
Gjermania vendos kontrolle të përkohshme në kufijtë tokësorë
Ministrja e Brendshme gjermane Nancy Faeser shpalli vendosjen e kontrolleve t...
-
Kurti: 263 qytetarë të katër komunave veriore janë punësuar falë skemës qeveritare
Kryeministri i Kosovës, Albin Kurti, ka thënë shtatë muaj nga fillimi i skemë...
-
Zhvillimet në Leposaviq, Elshani: Jemi duke vazhduar punën deri në mbledhjen e të gjitha provave të nevojshme
Policia e Kosovës është duke vazhduar punën në mbledhjen e fakteve dhe inform...
-
As 350 euro nuk i përmbushin nevojat bazike për disa qytetarë
“Vështirë për Zotin, por duhet t’ia dalim”… Kështu nis rrëfimin Sejdi Sali...
-
Foda me disa ndryshime në përbërje: Formacionet zyrtare Qipro – Kosovë
Kosova do të luajë përballë Qipros me fillim nga ora 18:00 në ndeshjen e dytë...
-
Konjufca e futi në arkivol dialogun me Serbinë, por Bislimi po përgatitet për takimin e radhës me Petkoviqin
Ndërsa shpejt pritet të ketë një takim në Bruksel në kuadër të dialogut Kosov...
-
Si të aplikoni në konkursin e ri të FSK-së?
Ministria e Mbrojtjes ka dhënë detaje për konkursin e ri të hapur për 300 ven...
-
Hapet konkursi për pranimin e 300 ushtarëve të rinj të FSK-së
Nga sot është hapur konkursi për pranimin e 300 ushtarëve të rinj në Forcën e...
-
Aktakuzë ndaj shtetasit turk, dyshohet se u mundësoi kundërligjshëm marrjen e shtetësisë së Kosovës 124 personave
Prokuroria e Prizrenit ka ngritur aktakuzë ndaj turkut M. Ş., për veprën pena...
-
Kosovari gjobitet me 12 mijë euro në Kroaci, tentoi të fuste cigare në të zezën
Një kosovari i është shqiptuar gjobë në vlerë të 12 mijë eurove për shkak të ...