Sport

Mbappe: Lajmet për transferimin e Neymarit në Real janë gënjeshtra

Autori: Gazeta inFokus 16:56 | 01 April 2018

Thashethemet se Neymar do t’i bashkohet Real Madridit në fund të këtij sezoni nuk janë asgjë tjetër përveç gënjeshtra, ka thënë bashkëlojtari i tij te Paris Saint-Germaini, Kylian Mbappe.

Neymar është pjesë e PSG-së vetëm nga vera e kaluar, kur edhe klubi francez theu rekordin botëror të transferimeve duke paguar plot 222 milionë euro për ta transferuar atë nga Barcelona, transmeton Gazeta Express.

Por, vetëm gjashtë muaj nga transferimi i tij, thashethemet nisen të qarkullojnë se ai do të kthehet në Spanjë, ama kësaj radhe të rivali i përjetshëm i Barçës, Real Madridi.

I pyetur nëse Neymar mund të largohet, Mbappe është përgjigjur shkurt: “Këto janë gënjeshtra, asgjë tjetër”.

-Advertisement-

“Neymar më dërgon mesazhe dhe më jep lajme. I kam uruar mbarësi në Kupën e Botës, por jo ta fitojë atë”, shtoi ai.

“Natyrisht që synimi është ta fitoj unë Kupën e Botës. Madje e kam ëndërr”, ka theksuar ai.

 

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

sport